ملک اٹی پیٹرولیم مصنوعات نا بہاٹی مالی سال 2023-24اٹی سالانہ بنداو آ 8 درسد کمتی مس، او سی اے سی

اسلام آباد۔ 02 جولائی (اے پی پی) ملک اٹی پیٹرولیم مصنوعات نا بہاٹی تدوک آ مالی سال اٹی سالانہ بنداو آ 8 درسد کمتی ریکارڈ کننگا۔ اوسی اے سی و انڈسٹری نا حساب وکتاب نا رداٹ مالی سال 2024اٹی ملک اٹی 15.28 ملین ٹن پیٹرولیم مصنوعات نا بہاریکارڈ کننگا ہرامالی سال 2023 نا مقابلہ ٹی 8 درسد کم ءُ، مالی سال 2023 اٹی ملک اٹی 16.61 ملین ٹن پیٹرولیم مصنوعات نا بہاریکارڈ کننگاسس۔ جون 2024 اٹی ملک اٹی1.45 ملین ٹن پیٹرولیم مصنوعات نا بہاریکارڈ کننگا ہرا مئی نا مقابلہ ٹی 4 درسد زیات ءُ، مئی ٹی ملک اٹی 1.39 ملین ٹن پیٹرولیم مصنوعات نا بہاریکارڈ کننگاسس۔ تدوک آ سال جون نا مقابلہ ٹی برجاسال جون اٹی پیٹرولیم مصنوعات نا بہاٹی سالانہ بنداو آ 8 درسد ودکی ریکارڈ کننگا۔ تدوک آ سال جون اٹی ملک اٹی 1.34 ملین ٹن پیٹرولیم مصنوعات نا بہاریکارڈ کننگاسس ہرا برجاسال جون اٹی ودسا 1.45 ملین ٹن مسر۔ حساب وکتاب نارداٹ مالی سال اٹی 7.14 ملین ٹن پیٹرول، 6.26 ملین ٹن ہائی اسپیڈ ڈیزل و 1.04 ملین ٹن فرنس آئل نا بہاریکارڈ کننگا ہرامالی سال 2023 نا مقابلہ ٹی بالترتیب 2،4 و 49درسد کم ءُ، مالی سال 2023 اٹی ملک اٹی 7.42 ملین ٹن پیٹرول ، 6.37 ملین ٹن ہائی اسپیڈ ڈیزل و 2.06 ملین ٹن فرنس آئل نا بہاریکارڈ کننگاسس۔