غٹ گوازی گر آتا کارکڑد اٹی گچینی کن غٹ وسیلہ غاتے کاریم اٹ اتینہ، رانا مشہود احمد خان

اسلام آباد۔ 02 جولائی (اے پی پی) وزیراعظم یوتھ پروگرام نا چیئرمین رانا مشہود احمد خان ملک اٹی گوازی تا مون آ دننگ نا عزم انا درشانی ءِکرسا پارینے کہ غٹ گوازی تیٹی گوازی گرآ تا کارکڑد اٹی گچینی کن غٹ وسیلہ غاتے کاریم اٹ اتینہ، پاکستان تینا گوہوک آ ہند ءِ دوئی کیک۔ داخیال آتا درشانی ءِ او سے شنبے نادے آ سپورٹس نا جہانی دے انا وخت آ دود آن تران کرسا کرے۔ رانا مشہود احمد خان پارے کہ بجٹ اٹی تنخواہ دار تپہ تون اوار غٹ تپہ غاتے ریلیف فراوان کننگ کن کوشست کننگ ءِ ، کنوئی آ گڑاتا نہادآتیٹی کمتی اتنگ اُن، اسٹاک مارکیٹ ترندی اٹ شون ہلنگ ءِ ہراڑآن حکومتی پالیسی تیا رماہی کار آتا پت ظاہر مریک۔ چیلنج آتیان پد ہم سہی کنڈآ ہِننگ ءِ۔ اوپارے کہ مستین اٹ ملک اٹی سپورٹس ءِ گوجالنگا ننے گوازی تاپِڑ ءِ آباد کننگ ناءِ۔ ورناک ننا نہادی میرات ءُ۔ اوفتےکن وزیراعظم یوتھ پروگرام نا درگہ ملوک ءِ۔ حکومت گوازی تا مون آ دننگ کن کاریم کننگ اٹی ءِ۔ اوپارے کہ ہاکی ٹیم میرٹ آ گچین کننگاسس و او ٹیم گچین کارکڑد نا درشانی ءِ کننگ ءِ۔ پاکستان سیف گیمز نا مہمانداری ءِ کننگ ءِ۔ وزیراعظم ٹیلٹ ہنٹ اسکیم  اٹی گوازی تا 23 بشخ اوار ءُ۔