وزیراعظم محمد شہباز شریف تاجکستان نا اِرادے ئی دورہ غا روانہ

اسلام آباد۔ 02 جولائی (اے پی پی) وزیراعظم محمد شہباز شریف تاجکستان نا اِرادے ئی دورہ غا اسلام آباد آن روانہ مسنے۔ پی ایم آفس نا میڈیاونگ آن جاری بیان نا رداٹ وزیراعظم نا ڈل اٹی نائب وزیراعظم و وزیرخارجہ محمد اسحاق ڈار ، بنجائی وزیر دفاع خواجہ محمد آصف ، بنجائی وزیر حوالکاری و شینکاری عطاء اللہ تارڑ و وزیراعظم نا خصوصی کمکار سید طارق فاطمہ ئسک اوار ءُ۔ دوشنبہ غا بننگ آ وزیراعظم تاجکستان نا قومی ہیرو اسماعیل سامانی نا یات گار آ پھل آتا شال اس شاغک۔ وزیراعظم قصرِ ملت نا دورہ ءِ کیک ہراڑے او تاجکستان نا صدر امام علی رحمان تون اوڑدہی کیک۔ وزیراعظم پاکستان و تاجکستان نا نیام اٹ چندی بشخ آتیٹی تین پہ تینی شریداری نا بابت مفاہمتی یات داشت آتیا دستخط نا دود اٹی ہم بشخ ہلیک۔ دا دود انا ایسری آ وزیراعظم و تاجک صدر اسیجائی پریس کانفرنس اس کیرہ۔ تاجک صدر وزیراعظم و پاکستانی ڈل انا اعزاز اٹی قصرنوروز اٹی سُوارہ اس ہم ایتک۔