سیل و سوات نا مون آ دننگ نا پالیسی ءِ غٹ فریق آتون سلابت اٹ جوڑ کننگک، رانا مشہود احمد خان

اسلام آباد۔ 10 جون (اے پی پی) وزیراعظم یوتھ پروگرام نا چیئرمین رانا مشہود احمد خان پارینے کہ سیل و سوات نا بحالی پاکستان نا زرگزرانی بحالی ءِ، غٹ فریق آتا سلابت اٹ سیل و سوات نا مون آ دننگ کن پالیسی اس جوڑ کننگک، ورناتے کسبکاری نا تربیت اتون اوار ایلو وارخواہی تے فراوان کننگ انگ ءِ۔ داخیال آتا درشانی ءِ او دوشنبے نادے آ پاکستان ٹریول سمپوزیم اٹی گپ وتران کرسا کرے۔ اوپارے کہ سیل وسوات نا بحالی پاکستان نا زرگزرانی بحالی ءِ۔ ملک اٹی سیل وسوات نا مون آ دننگ کن گام گیج کننگ انگ ءِ، حکومت ملک انا زرگزرانی بحالی کن پالیسی سازی آ کاریم کننگ اٹی ءِ۔ نن ورناتیکن شمولیتی پالیسی آ عمل کننگ اُن۔ ورناتے واکدار کننگ کن میرٹ آ تالان پالیسی جوڑ کننگ انگ ءِ۔ نن ورناتا لائخی تے دنیا نا مون آ اتینہ۔ اوپارے کہ ایلو بشخ آتیانبار سیل و سوات نا صنعت نا مون آ دننگ حکومت نا اولیت آتیٹی اوار ءِ۔ دابابت حکومت ہرممکن گام گیج کننگ اٹی ءِ۔ پالیسی تا چرجوئی اٹ سوگوی بریک۔ پنجاب یوتھ پالیسی اتوک آ اولیکو صوبہ ءِ۔ نن پنجاب اٹی ورناتے کسب نا تعلیم تسن و لیپ ٹاپ بشخان۔ پنجاب آنبار ایلو صوبہ غاتیٹی ورناتا شونداری خوانہ۔ اوپارے کہ مچ آ دنیا ٹی پاکستان نا بیرک ءِ گمر اٹ بڑز کننگ خوانہ۔ غٹ فریق آتا سلابت اٹ سیل و سوات نا مون آ دننگ  کن پالیسی اس جوڑ کننگک۔ داڑآن ملک انا مثبت تشخص دنیا ٹی تالان مریک۔