اسلام آباد۔ 10 جون (اے پی پی) بنجائی وزیر مذہبی امور چوہدری سالک حسین حج بست وبند آتا جاچ ءِ ہلنگ کن سعودی عرب آ سرمس۔ ترجمان مذہبی امور نا رداٹ چوہدری سالک حسین دوشنبے نادے آمکہ مکرمہ ٹی اڈ ہلوک حج سمپوزیم اٹی پاکستان نا نمائندگی ءِ کیک۔ سرکاری اسکیم کن پری حج فلائٹ آپریشن سرسہبی اٹ ایسر مس۔ اسلام آباد آن بروک آ سعودی ایئر نا جہاز نمبر 3727نا کمک اٹ 380 حاجی جدہ بالی پٹ آ دڑنگار۔ نجی حج اسکیم نا کمک اٹ 70 ہزار حاجی سعودی عرب آ سرمسنو، بروک آ اِرا دے اٹی پین 20 ہزار پرائیویٹ حاجی سعودی عرب آ سرمریرہ۔ سعودی مکاتب نا کنڈآن منیٰ و عرفات اٹی حاجی تا 5 دے اڈکننگ نا تیاری تے پورو کننگانے، حاجی تا وادی منیٰ کن روانگی نا بناء 13 و 14 جون نا نیامی نن آ مریک۔ پاکستان حج مشن وادی منیٰ ٹی حاجی تا آسراتی کن کیمپ آفس اس جوڑ کرینے ہراٹی شعبہ معلومداری و راہشونی، غاو، مرض و مرک جوڑ کننگک۔ وزیر مذہبی امور چوہدری سالک حسین و بنجائی سیکرٹری ذوالفقار حیدر حج آپریشن نا براہ راست چاروکی ءِ کیرہ۔
