شی آن۔8جون (اے پی پی): مزن وزیر محمد شہباز شریف ءَ گوں شی- آن ءَ صوبہ شانشی ءِ پارٹی سروکی سیکرٹری جاؤایدا ءَ گوں گند ءُ نند کت۔ اے موہ ءَ مزن وزیر پاکستان ءُ شانشی ءِ نیام ءَ کشت ءُ کشار، ھاٹیگ ءُ اشکر ءِ چات ءَ کار کنگ ءِ شوبگ ءَ کمک آنی منوگری آناں پکوئیں رنگ دیگ ءِ واستہ وزیر پیٹرولیم ڈاکٹر مصدق ملک ءِ سروکی ءَ کمیٹی جوڑ کت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ جاؤایدا ءَ شانشی ءِ سروک ءُ الس آنی نیمگ ءَ مزن وزیر ءُ پاکستانی ڈل ءَ را وش اتک کت۔ مزن وزیر ءَ گوشت کہ شی – آن ءِ سروک ءُ آئی ءِ الس ءِ پاکستانی ڈل ءِ جوانیں وش اتک کنگ ءِ پد ءَ شگر ءُ منت وار آں۔
