اسلام آباد۔ 07 جون (اے پی پی) سینیٹ اٹی سکھر حیدرآباد موٹروے نا تفنگ اٹی تاخیر نا باندات ءِ تعلقدار قائمہ کمیٹی نا دُوٹی تننگا۔ جمعہ نادے آ سینیٹ نا دیوان اٹی سکھر حیدرآباد موٹروے نا تفنگ اٹ تاخیر نا بابت سینیٹر جام سیف اللہ، سینیٹر پونجو بھیل، سینیٹر محمد اسلم ابڑو و ایلو باسک آتا چکاری نوٹس ہم ایجنڈاٹی اوار ئس۔ بنجائی وزیر ہاؤسنگ وتعمیرات میاں ریاض حسین پیرزادہ پارے کہ سکھر حیدرآباد موٹروے نا اسہ مسنگ لنک اسے، ننا کوشست ءِ کہ سی پیک نا رداٹ دادے پورو کننگے، چین، یواے ای ، قطر و ایلو سنگت ملک آتیان مالی کمک ہم دوئی کننگ مریک پارٹنر شپ نا رداٹ اِرامسہ بشخ آتیٹی ڈٹ پورو کننگ نا کوشست کننگک ۔ اوپارے کہ سکھر حیدرآباد موٹروے بیرہ سندھ اناآخا مچ آملک انا گرج ءِ، ملتان سکھر موٹروے چینی کمپنی جوڑ کرے و دا بھا زجوان ءُ موٹروے اسے۔ اوپارے کہ سکھر حیدرآباد موٹروے پور ومرے تو اوڑآن مچ آملک انا فائدہ مریک داباندات ءِ سینیٹ نا قائمہ کمیٹی آ گدریفنگے تو ہموڑے ہرچار آ صوبہ غاتا نمائندہ ساڑی مریک و او دانا گچین چاروکی ءِ کننگ کیک اوکان پد پینل آف پریذائیڈنگ آفیسر آتا باسک پلوشہ محمد زئی خان بانداتءِ تعلقدار قائمہ کمیٹی نا دُوٹی تس۔
