پاسپورٹ ڈیٹا ٹی زالبول آتیکن ’’مسکوہی اَرے کیٹیگری‘‘ نا سلاہ ئی شمولیت نا باندات آ ہائی کورٹ نا فیصلہ نا رداٹ مسہ تُواٹی سلابتی عمل پورو مریک، میاں ریاض حسین پیرزادہ

اسلام آباد۔ 07 جون (اے پی پی) بنجائی وزیر ہاؤسنگ و تعمیرات میاں ریاض حسین پیرزادہ پارینے کہ پاسپورٹ ڈیٹاٹی زالبول آتیکن ’’مسکوہی اَرے کیٹیگری‘‘ نا سلاہ ئی شمولیت نا باندات آ ہائی کورٹ اصولی موقف  ءِ امنا کرسا فیصلہ  تسنے ہرانا رداٹ مسہ تُو اٹی سلابتی عمل پورو مریک۔ اوداخیال آتا درشانی ءِ جمعہ نادے آ سینیٹ نا دیوان اٹی پاسپورٹس ڈیٹا ٹی زالبول آتیکن ’’مست انا اَرے کیٹیگری‘‘ نا سلاہ ئی شمولیت نا بابت ڈائریکٹر جنرل امیگریشن اینڈ پاسپورٹس نا بیان نا بابت سینیٹر ثمینہ ممتاز زہری نا چکاری نوٹس نا ورندی ٹی کرے۔ بنجائی وزیر ہاؤسنگ و تعمیرات پارے کہ ڈائریکٹر جنرل پاسپورٹس رولز انا ہیت ءِ کریسس، ہائی کورٹ دا بابت فیصلہ تسنے وسلابتی عمل نا پارینے ، دا بابت اصولی موقف ءِ ہائی کورٹ امنا کرینے۔ مسہ تُو اٹی اوڑآعملدرآمد مریک، دا باندات اگہ قائمہ کمیٹی آ گدریفنگے تو ہم گچین مریک ہموڑے سجفنگک۔