اسلام آباد۔ 07 جون (اے پی پی) اسپیکر قومی اسمبلی سردار ایاز صادق پارینے کہ فوڈ سیفٹی سسٹم ءِ سوگو کرسا اوار سوار آن پاک و ساف ستھرا خور اسکان رسینگ ءِ ممکن کننگ مریک، پارلیمنٹ کشت وکشار و بزغرآتا رکھ اکن سنبرینگوک ءِ۔ جمعہ نادے آ جہانی یوم رکھ خور(فوڈ سیفٹی ڈے)انا وخت آ کلہو اٹی اوپارے کہ دراخ جوڑ و رکھ غذا ہر شاری نا بنداوی حق ءِ …
پارلیمنٹ کشت وکشار و بزغرآتا رکھ اکن سنبرینگوک ءِ، اسپیکر قومی اسمبلی
اسلام آباد۔ 07 جون (اے پی پی) اسپیکر قومی اسمبلی سردار ایاز صادق پارینے کہ فوڈ سیفٹی سسٹم ءِ سوگو کرسا اوار سوار آن پاک و ساف ستھرا خور اسکان رسینگ ءِ ممکن کننگ مریک، پارلیمنٹ کشت وکشار و بزغرآتا رکھ اکن سنبرینگوک ءِ۔ جمعہ نادے آ جہانی یوم رکھ خور(فوڈ سیفٹی ڈے)انا وخت آ کلہو اٹی اوپارے کہ دراخ جوڑ و رکھ غذا ہر شاری نا بنداوی حق ءِ ۔ فوڈ سیفٹی نا اہمیت ءِ تالان کننگ و اودے پک کننگ اسیجائی زمواری ءِ۔ بدبختی اٹ مچ آ دنیاٹی کروڑ آ مخلوق بے رکھ خور کُننگ نا سوب آن ناجوڑی تا گواچی مننگ اٹی ءُ۔ اسپیکر پارے کہ خور انا پیدوار ، پروسیسنگ، پیکجنگ و بشخنگ نا عمل ءِ گچین کننگ وخت انا اہم ءُ گرج اسے۔ اسپیکر خور ءِ رکھ کننگ کن پوسکن آ ٹیکنالوجی نا کاریم اٹ اتنگ و فوڈ سیفٹی ناکانود ءِ گچین کننگ نا گرج آ زور شاغاوپارے کہ پاکستان اسہ کشاری ءُ ملک اسے و ملکی شونداری و شونہالی ٹی کشت وکشار نا اہم ءُ کڑد اسے۔ پارلیمنٹ کشت وکشار و بزغرآتا رکھ اکن سنبرینگوک ءِ۔
