چیئرمین سینیٹ نا جہانی یوم رکھ خور 2024 نا وخت آ کلہو

اسلام آباد۔ 07 جون (اے پی پی) چیئرمین سینیٹ سید یوسف رضاگیلانی پارینے کہ فوڈ سیفٹی پاکستان کن اسہ اہم ءُ ویل اسے ، ترندی اٹ بدل مروک آ دنیا ٹی، بے گمانی چیلنج دُن کہ دینی مرض، قدرتی آفت، و موسمیاتی بدلی ننا خور انا فراوانی ءِ نمان وڑاٹ زہمی کننگ کیک۔ داخیال آتا درشانی ءِ او جمعہ نادے آ’’جہانی یوم رکھ خور 2024‘‘ نا وخت آتینا کلہو اٹی کرے۔ چیئرمین سینیٹ پارے کہ ننے انفراسٹرکچر ءِ گچین کننگ، تینا فوڈ سیفٹی ایجنسی تالائخی تے ودفنگ، و فوڈ سیفٹی نا ضابطہ غاتیا سختی اٹ عملدرآمد ءِ بایدے پک کننگے، فوڈ سیفٹی پاکستان کن اسہ اہم ءُ ویل اسے، مضرصحت خور و کچٹ انگا دِیر انا سوب آن جان جوڑی ءِ سنگین خطرہ مون تروک ءِ ہراڑآن لکھ آ پاکستانی زہمی مننگ اٹی ءُ، اوپارے کہ ننا جان جوڑی نا بشخ انا نظام آ بھلو بھاریم اس ودنگ ءِ، ترندی اٹ بدل مروک آ دنیا ٹی، بے گمانی چیلنج دُن کہ دینی مرض، قدرتی آفت، و موسمیاتی بدلی ننا خور انا فراوانی ءِ نمان وڑاٹ زہمی کننگ کیک ہنداسوب آن دا المی ءِ کہ نن دُراخ جوڑی نا رکھ اکن تین اغذائی رکھ ءِ پک کین۔ سید یوسف رضاگیلانی پارے کہ پاکستان فوڈ سیفٹی نا آبءِ گچین کننگ اٹ اہم پیش رفت کننگانے۔