خور انا رکھ اکن غٹ اسٹیک ہولڈر آتے اجتماعی کوشست کننگ نا گرج ءِ، صدر مملکت نا کلہو

اسلام آباد۔ 07 جون (اے پی پی) صدر مملکت آصف علی زرداری پارینے کہ خور انا رکھ  ننا غٹ انا اسیجائی زمواری ءِ و داڑکن غٹ اسٹیک ہولڈر آتے اجتماعی کوشست کننگ نا گرج ءِ۔ ننے تینا قوم انا جان جوڑی ءِ پک کننگ کن فوڈ سیفٹی نا بڑزکو آ آب آتیا عملدرآمد کروئی مریک۔ پاکستان ءِ پٹ وپول و اختراع ٹی زرکاری کننگ و خور انا رکھ انا چیلنج آتون مون تننگ کن پوسکن آ ٹیکنالوجی آن فائدہ ہرفوئی مریک۔ ایوان صدر پریس ونگ انا رداٹ خور انا جہانی دے انا وخت آ تینا کلہو اٹی صدر مملکت پارے کہ داسال انا جہانی یوم  رکھ خورانا سرحال’’رکھ ءِ خور‘‘ بے گمانی کن تیاری‘‘ ءِ۔ دادے نن تینا خور انا رکھ سپلائی ٹی بروک چیلنج و بے پک عنصر آتا یات دہانی ءِ کرفک۔ بے گمانی حالیت آتیکن تیار مننگ کن ننے فوڈ چین اٹی ساڑی ممکنہ خطرہ و نزوری تے وخت آن مست ہُننگ و کم کننگ کن گچین گام گیج آتیا عملدرآمد کروئی مریک۔ رکھ ءِ خور اٹی بروک خطرہ غاتا ڈس ءُ نشان ءِ خلنگ و اوفتا مون ءِ توننگ کن خور انا چاروکی نا نظام اٹی زرکاری، تعلقدار لیبارٹری تے سوگو کننگ و ہلہلہ ئی ردعمل نا نظام ءِ گچین کننگ ہم المی ءِ۔ صدر مملکت پارے کہ خور انا رکھ انا جہانی دے خور انا رکھ ءِ پک کننگ کن حکومتی پالیسی و اسٹیک ہولڈر آتا گام گیج آتا رفتار ءِ ترند کننگ کن اڈتننگ انگ ءِ۔