راولپنڈی۔ 06 جون (اے پی پی) اینٹی نارکوٹکس فورس منشیات اسمگلنگ نا برخلاف کریک ڈاؤن اٹی 7 کارروائی تیٹی 373 کلوگرام منشیات دوئی کرسا 15 دوبہ دار آتے دزگیرکرے۔ اے این ایف ہیڈکوارٹر راولپنڈی آن تدوک آ 24 گھنٹہ ٹی آپریشن نا سرجم آتا رداٹ ایم ون اٹک نا خڑک 3 دوبہ دار آتیان 117 کلوگرام چرس و 36 کلوافیم دوئی کرے۔ فیصل آباد اٹی 5 دوبہ دارآن 121.2 کلوگرام چرس و 26.4 کلوگرام افیم دوئی کننگا۔ ایم ون اسلام آباد نا خڑک اِرا کارروائی تیٹی 5 دوبہ دار آن 31.2 کلوگرام چرس دوئی کننگا۔ پنجگور آن 18 کلوگرام آئس دوئی کننگا۔ سپرہائی وے کراچی نا خڑک دوبہ دار آن 15 کلو گرام چرس دوئی کننگا۔ ڈیرہ اسماعیل خان اٹی دوبہ دار آن 7.2 کلوگرام چرس و 1 کلوگرام آئس دوئی کننگا۔ ترجمان نا رداٹ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔

متعلقہ مضامینمصنف کی طرف سے مزید