بیجنگ۔6جون (اے پی پی): مزن وزیر محمد شہباز شریف ءَ چارئنا ناردرن انڈسٹری کارپوریشن نورینکو ءِ چئرمین ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ پنچ شمبے ءِ روچ ءَ جاڑی بوتگیں بیان ءِ رد ءَ اےموہ ءَ مزن وزیر ءَ گوشت کہ پاکستان ءُ چین ءِ نیام ءَ کوھنیں براتی ءُیکوئی است انت ایش وھد ءِ گوما مھکم تر بوھگ ءَ انت۔ چیئرمین نورینکو ءَ محمد شہباز شریف ءَ را بطور سر وزیر پنجاپ دیمروئی منصوبگ آناں ترند گامی ءَ گوں سرجم کنگ ءُ پاکستان ءُ پنجاپ سپیڈ ءِھاسیں تران کت۔ چیئرمین نورینکو ءَ مزن وزیر ءِ سروکی ءَ منصوبگ آنی ترند گامی ءُ کد ءُ بالاد ءِ توسیپ کنان ءَ گوشتگ کہ تئی سروکی ءَ لاہور اورنج ٹرین میٹرو ءِ منصوبگ وھد ءُ موہءِ سر ءَ تیار بوتگ۔ مزن وزیر چیئرمین نورینکو ءَ را پاکستان ءَ رسانک ءِ منصوبگ ھاسیں کراچی سرکلر ریلوے ءَ سرمایہ کاری ءِ دعوت دیان ءَ گوشتگ کہ ڈنی سرمایہ کاری ءِ واستہ آسانی پیداک کنگ بوھگ ءَ انت، اے ھوالگ ءَ ھاسیں سرمایہکاری ءِ آسراتی کونسل حکومت ءِ یک ارزشتی ایں گامگیج ات۔
