اسلام آباد۔ 05 جون (اے پی پی) بنجائی وزیر مذہبی امور و بین المذاہب ہم آہنگی چوہدری سالک حسین مکہ مکرمہ ٹی کیٹرنگ کمپنی تا کنڈآن حاجی تیکن فوڈ سیفٹی نا معاہدہ نا خلاف ورزی تا بارواٹی میڈیا رپورٹ آتا نوٹس ءِ ہلسا تعلقدار کمامدارآتے پارت کرینے کہ حاجی تے آب اٹ خور و ہنکین نا گچین آسراتی فراوان کننگے و کیٹرنگ کمپنی تیا سخت نظر تخسا کن و خور انا آب ءِ پین گچین کننگے۔ چارشنبے نادے آ اسہ بیان اسے ٹی بنجائی وزیر مکہ مکرمہ ٹی کیٹرنگ کمپنی تا کنڈآن حاجی تیکن بےآب اٹ کن وخور تننگ نا بارواٹی میڈیا غا چلینگوک آ رپورٹ آتیا ایکشن ہلسا پارت جاری کرینے کہ پاکستانی حاجی تے ہرممکن آسراتی فراوان کننگے۔ اوحج مشن فوڈ مانیٹرنگ ٹیم انا خور انا معاہدہ نا خلاف ورزی تے توننگ نا کوشست آتا ستاءِ کرے و فوڈ کوآرڈی نیٹر آتیا زور شاغا کہ او کن و خور نا تیاری ٹی کیٹرنگ کمپنی تیا بیست ءُ چار گھنٹہ سخت نظرتخر و کچن نا چاروکی ءِ برجاتخر۔ اوحج مشن نا عملہ ءِ پارے کہ او حاجی تے جان جوڑ خور انا بے سلنگ آن و وخت آ فراوانی ءِ پک کیر۔ اوپارے کہ زائر آتا ہنکینی ماڑی و ہوٹل آتیا سرمننگ آ کن و خور نا آب و مقدار ءِ دُوارہ چیک کریر۔
