وزیراعظم شہباز شریف نا وژن نا رداٹ سی پیک اٹی اسہ پوسکن ءُ دور اس بناکرینے، شینزن اٹی بزنس ٹو بزنس اوڑدہی و کانفرنس پاکستان نا زرگزران نا شونداری ٹی پبی کڑد ادا کیک، عطاء اللہ تارڑ

شینزن(چین) ۔ 05 جون (اے پی پی) بنجائی وزیر حوالکاری ، شینکاری ، قومی میرات و دودوربیدہ عطاء اللہ تارڑ پارینے کہ وزیراعظم شہباز شریف نا وژن نا رداٹ سی پیک اٹی اسہ پوسکن ءُ دوراس بناکننگ ءِ، شینزن اٹی بزنس ٹو بزنس اوڑدہی و کانفرنس پاکستان نا زرگزران نا سوگوی و شونداری ٹی پبی ءُ کڑد اس ادا کیک۔ داہیت ءِ او چارشنبے نادے آ داڑے میڈیا تون گپ وتران کرساپارے۔ بنجائی وزیر حوالکاری پارے کہ وزیراعظم شہباز شریف سی پیک نا تہہ ٹی اسہ پوسکن ءُ جدت اس اتسا بسنے۔ اوپارے کہ پاکستان و چین نا نیام اٹ تعلقداری اسہ پوسکن ءُ دوراسے ٹی پترینگ انگ ءِ ہرا پاکستانی زرگزران کن اہم ءُ مزل نا نشان اسے۔ اوپارے کہ شینزن اٹی بزنس ٹو بزنس کانفرنس اٹی 500 آن زیات پاکستانی و شینزن نا کاروباری شخصیت آک بشخ ہلکر، بزنس ٹو بزنس اوڑدہی و کانفرنس پاکستان نا زرگزران نا سوگوی و شونداری ٹی تینا پبی ءُ کڑد اس ادا کیرہ۔ اوپارے کہ داڑے موبائل فون مینو فیکچرنگ پلانٹ نا اونر تون ہم اوڑدہی مسنے، اونا فیکٹری پاکستان اٹی کاریم کننگ اٹی ءِ، داپاکستان آن ایکسپورٹ کیک وخت اس کہ الیکٹرک  وہیکل آتا بابت ہم گپ وتران مننگ اٹی ءِ۔ بنجائی وزیر پارے کہ وزیراعظم شہباز شریف بیجنگ اٹی چینی سرکڑدہ غاتون ہم اوڑدہی کیک، انشاء اللہ دا گام گیج آتا سوب آن پاکستان شون ہلیک۔