بیجنگ۔ 05 جون (اے پی پی) شنگھائی کمکار تنظیم نا ملک آتیکن واپاری و اقتصادی ملٹی فنکشنل پلیٹ فارم (ایس سی او ٹی ای ایم پی) نا ڈائریکٹر جنرل و پلیٹ فارم نا تھنک ٹینک الائنس نا چیئرمین ہوکائی چیانگ پارینے کہ پاکستان ہاؤس نا شمولیت تون دا پلیٹ فارم ایس سی او فریم ورک نا تہہ ٹی کثیر جہتی کمکاری ءِ آسان جوڑ کننگ کن پلیٹ فارم نا ورکنگ کمیٹی ءِ پین کسبی خذمت پیش کیک۔ داڑآن ایس سی او ملک آتا نیام اٹ اقتصادی و واپاری کمکاری و السی کہول آ ہن و برنا گیشتر نتیجہ غاتے مون آ دننگ اٹ کمک رسینگک۔ ایس سی او ٹی ای ایم پی پاکستانی تھنک ٹینک’’پاکستان ہاؤس‘‘ ءِ ایس سی او ٹی ای ایم پی تھنک ٹینک الائنس اٹ اوار مننگ نا لیسن تدوک آ تُو تسوسس۔ ہوکائی چیانگ پارے کہ پلیٹ فارم ایس سی او نا سروک مملکت، چاہندار، اسکالر، کاروباری ادارہ، چندی بشخ آتیٹی راہشون و ایلو اشرافیہ ءِ راغب کرسا تھنک ٹینک نا جوڑ کننگ ءِ پدریسہ مون آ درینے۔
