شینزن۔ 05 جون (اے پی پی) ملکی برآمد آتیٹی ودکی و نجی بشخ انا است بڈی کن سی پیک نا ارٹ میکو ریسہ نا رداٹ بزنس کانفرنس ءِ شینزن اٹ اڈتننگا۔ چارشنبے نادے آ شینزن اٹی پاکستان چین بزنس کانفرنس نا وخت آ ہڑتوم آ ملک آتا نجی بشخ انا نیام اٹ بزنس ٹو بزنس میٹنگ اڈ ہلک، حکومت پاکستان ملک اٹی زرکاری و کاروبار نا مون آ دننگ کن اسہ سہولت کار اسے نا کڑد ءِ ادا کرے۔ بزنس کانفرنس اٹی اسہ ہی چھت انا کیرغ آن پاکستانی و چینی کمپنی تے اسہ ہندن ءُ چاگڑد اس تننگا کہ او تینا است خواہی نا بشخ آتیٹی اسیجائی ڈٹ آتا بناءِ کننگ کیر۔ پاکستان آن 120 کمپنی تا کانفرنس اٹی بشخ ہلنگ وخت اس کہ چین نا 500 آن زیات کمپنی و پنی آ کاروباری شخصیت آتا پاکستانی کمپنی تتون بزنس ٹو بزنس میٹنگ مس۔ ہڑتوم آملک آتا نیام اٹ خڑکی دوستانہ تعلقداری و اسہ ایلو تون کاروبار کننگ نا عزم انا درشانی ءِ ۔ معدنیات سولر پینل آتا مینوفیکچرنگ الیکٹرانکس پیٹروکیمیکلز سٹیل موبائل فون نا مینو فیکچرنگ ٹیکسٹائل سِل انا صنعت، سرجیکل ازباب، کشت وکشار الیکٹرک گاڈی، کھد و آئی سی ٹی تون اوار سینزدہ بشخ آتیٹی پاکستانی و چینی کمپنیک اسیجائی ڈٹ آتا بناءِ کننگ نا جاچ ءِ ہلکر۔
