شینزن۔ 05 جون (اے پی پی) وزیراعظم محمد شہباز شریف پارینے کہ پاکستان چاگڑدی چیلنج آتون مون تننگ و پائیداریت کن جہانی کوشست آتیٹی کمکاری کن سنبرینگوک ءِ، جنگل نا خاخر آن ہلیس نوکاپ و ترندی اٹ دیر مروک گلیشیئرآتون اوار پاکستان ءِ موسمیاتی بدلی نا منفی اثرمون تروک ءِ۔ اوداخیال آتا درشانی ءِ چارشنبے نادے آجہانی یوم ماحولیات نا وخت آ تینا کلہو اٹی کرے۔ وزیراعظم پارے کہ پاکستان نا الس و حکومت کرہ ارض نا رکھ وموسمیاتی بدلی، حیاتیاتی تنوع نا نسخان و کچٹی تون مون تننگ کن جہانی برادری تون اسیجائی زمواری ءِ امنا کیک، موسمیاتی بدلی سیم اس مفک، جنگل نا خاخر آن ہلیس نوکاپ و ترندی اٹ دِیرمروک گلیشیئر آتون اوار پاکستان ءِ موسمیاتی بدلی نا منفی اثرمون تروک ءِ۔ اوپارے کہ برجاسال نا جہانی یوم ماحولیات نا سرحال‘‘ڈغار نا بحالی، صحرا نا تالانی و خشک سالی تون مون تننگ’’ ءِ و دادے ننے دابھلا چیلنج نا یات ترفک ہرا ارب آ ہیکڑ ڈغار تا بابت مون تروک ءِ ہراڑآن دنیا نا کم و ود نیمہ آبادی زہمی مننگ اٹی ءِ و جہانی جی ڈی پی نا نیمہ خطرہ غاتا گواچی ءِ، خلقی علاقہ، چنکا کشارگر و بے کچ نیزگار بندغ آک غٹ آن زیات زہمی ءُ۔ وزیراعظم پارے کہ پاکستان چاگڑدی چیلنج آتون مون تننگ و پائیداریت کن جہانی کوشست آتیٹی کمکاری کن سنبرینگوک ءِ، گرین پاکستان پروگرام، لیونگ انڈس انیشی ایٹو، ایڈاپٹیشن پلان کون آ گام گیج ، جنگل آتا گڈنگ ، حیاتیاتی تنوع نا نسخان نا ویل آتون مون تننگ و چاگڑدی نظام نا بحالی کن ننا عزم ءِ پیدوار کیک۔ اوپارے کہ کوپ۔ 27 اٹی پاکستان نا موسمیاتی سفارتکاری نا کوشست خاص وڑاٹ نسخان و ڈیمج فنڈ انا جوڑ کننگ ءِ بھلو کچ اسے آ امنا کننگا و جہانی چاہندار آک اودے مثبت گوندار۔
