حب۔ 04 جون (اے پی پی) ڈپٹی کمشنر لسبیلہ حمیرہ بلوچ ضلعی ہیڈکوارٹر سول ہسپتال اوتھل اٹی چناتے پولیو آن بچفنگ نا پڑی کنفسا ضلع لسبیلہ ٹی انسداد پولیو مہم نا بناءِ کرینے ، پولیو مہم اٹی چل ءُ ہفت ہزار مسہ سد آن زیات چناتے پولیو نا پڑی کُنفنگک۔ ڈسٹرکٹ ہیلتھ آفیسر لسبیلہ ڈاکٹر عبدالحمید بلوچ حوا ل اٹی پارے کہ پولیو مہم اٹی 184 موبائل ٹیم بشخ ہلنگ اٹی ءُ ہراٹی پنچ سال آن کم وئی چناتے پولیو نا پڑی کُنفنگک، لسبیلہ نا داخلی 8 ٹرانزٹ ہند 14 فکسڈ ہند جوڑ کننگانے۔ اوحوال اٹی پارے کہ لسبیلہ ٹی 14 یوسی مانیٹرنگ انچارج انسداد پولیو مہم اٹی بشخ ہلنگ اٹی ءُ۔ داوخت آ ڈپٹی کمشنر حمیرہ بلوچ نا پاننگ ئس کہ ڈسٹرکٹ ایڈمنسٹریشن لسبیلہ پولیو مہم نا سرسہبی کن پبی کڑد ادا کننگ اٹیءِ ، پولیو ایوننگ میٹنگ نا باقاعدگی اٹ اڈتننگ و ایشوتا ایسری ٹی ہیلتھ ڈیپارٹمنٹ نا کمکاری برجاءِ ۔ ڈپٹی کمشنر لسبیلہ نا مستی پاننگ ئس کہ پولیو مہم نا مانیٹرنگ کروک آ یوسی مانیٹر آتون اوار غٹ ایریاانچارج آتا کارکڑد ءِ ہم چیک کننگک۔ دا چرجوئی ٹی ڈیوالئی ءِ سگپنہ۔
