اسلام آباد۔ 04 جون (اے پی پی) بنجائی وزیر ڈٹ بندی و شونداری احسن اقبال پارینے کہ سی پیک نا ارٹ میکو ریسہ ٹی ننا چکار بزنس ٹو بزنس رابطہ غاتےودفنگ آٹی ءِ۔ سے شنبے نادے آ چین روانگی آن مست تینا ویڈیو کلہو اٹی او پارے کہ 5 جون آ اڈہلوک آ بزنس فورم اٹی پاکستانی و چینی کمپنی تا بھلو کچ اس بشخ ہلیک۔ احسن اقبال پارے کہ سی پیک نا ارٹ میکو ریسہ ٹی ننا چکار بزنس ٹو بزنس رابطہ غاتے ودفنگ آٹی ءِ، پاکستانی پوریاگرآک ہڑتوم آملک آتا نیام اٹ کاروباری کمکاری ءِ ودفنگ نا کوشست آتیا حکومت نا منت واری ءِ ہرفینے۔ احسن اقبال پارے کہ پاکستانی پوریاگرآتے زیات آن زیات پیدواری کارکڑد نا دوئی کننگ کن چینی پوریاگرآتون کاروبار کننگ نا وڑوڈول ءِ ہیل کننگے، پاکستان اٹ کاروبار کروک آ ک ملک ءِ مون تروک چیلنج آتیان جوانی اٹ بلد ءُ، ہنداسوب آن اوفتے زرگزرانی بحالی کن حکومتی کوشست آتون تفنگے۔ احسن اقبال پارے کہ پاکستانی پوریاگرآتے مرے کہ او واپار و کاروبار ءِ ودفنگ کن سی پیک فیز 2 نا وارخواہی تیان پبی فائدہ ہرفر۔ پاکستان و چین نا نیام اٹ واپار بیرہ گڑاو خذمت اسکان محدود بایدے مف بلکن تعلیم، ٹیکنالوجی ، پٹ وپول، اختراع، سپلائی چین ڈویلپمنٹ ، ایگریکوآپریشن ، انفراسٹرکچر ڈویلپمنٹ نا منتقلی و تبادلہ اسکان بایدے مرے۔
