اسلام آباد۔ 04 جون (اے پی پی) خراج نیٹ ءِ ودفنگ کن بزنس کمیونٹی تون سلابت، ضلعی کہول آ اسیجائی کمیٹی جوڑ کننگے، خراج دُزی ٹی اوار بندغ و زموار آتا برخلاف سزا و جزا نا کانود ءِ لاگو کننگے۔ داخیال آتا درشانی ءِ اسلام آباد چیمبر آف کامرس اینڈ انڈسٹری نا صدر احسن ظفربختاوری مالی سال 2024-25کن بجٹ تجاویز وزارت خزانہ ءِ ترساکرے۔ اوپارے کہ زرکارآتے اتنگ کن انویسٹر آتے آسودہی و بجٹ اٹ تاریخی پیکج اس اتنگے، بینک اکاؤنٹ ملنگ، ملکیت و گاڈی تا ہل و تس کن این ٹی این ءِ المی گوندنگے۔ اوپارے کہ نان فائلرآتے فائلر کننگ کن اوفتے کن بجٹ اٹ ایمنسٹی اسکیم درستی راستی کرفنگے و زرگزران اٹ نغد زر اناحوصلہ شکنی ءِ کرسا زرگزران ءِ پورو وڑاٹ دستاویزی دروشم اس تننگے۔ برآمد آتیٹی ودکی کن توانائی نا نہاد آتے کم کننگے و پیدواری خڑچ ءِ کم کننگ کن توانائی نا نہاد آتے ڈیہہ انا ایلو ملک آتا بریبر اتنگے۔ اومستی پارے کہ ملک اٹی بھلا خراج پیئرز و بزنس مین تے بڑزکوکہول آ قومی ایوارڈز تس و رول ماڈل نا درجہ تننگے، ایف بی آر اٹی اصلاحات نا عمل ءِ ترند، ٹریک اینڈ ٹریس سسٹم نا نفاذ ءِ پک کننگے و داوڑنا ریٹیلرآتے مصنوعات نا فراوانی آ پابندی خلنگے ہرافتے تون این ٹی این نمبراف۔ اوپارے کہ بلند شرح سود کاروباری سرجزآتا کسر اٹ بھلا اڑاند، کم کرسا سنگل ڈیجٹ اٹ اتنگے۔ زرگزرانی بحالی نا سفر ءِ پائیدار شونداری اسکان دننگ کن برآمد آتے مون آ دننگ کون آ گام گیج المی ءِ۔ اوپارے کہ خراج نظام اٹ اصلاحات، پوسکن آ کانود نا نفاذ کن بزنس کمیونٹی نا سلاہ تے اہمیت تننگ نا گرج ءِ۔
