اسلام آباد۔ 04 جون (اے پی پی) چائنا انٹرنیشنل پریس کمیونیکیشن سینٹر نا ریسرچ فیلومحمد ضمیر اسدی پارینے کہ چین پاکستان اقتصادی راہداری نا ارٹ میکو ریسہ کن وزیراعظم نا دورہ ءِ چین بھازاہمیت تخک، پاکستان نا صنعتی ، کاروباری و واپاری حلقہ غاتیکن سی پیک فیز 2 ٹی بھاز وارخواہی ساڑی ءِ۔ سے شنبے نادے آاے پی پی تون گپ وتران کرسا پارے کہ 126 پاکستانی پوریاگرآتا ڈل شینزن آ سرمسنے، پاکستانی پوریاگرآک ہڑتوم آ ملک آتا صنعتی و کاروباری برادری نا نیام اٹ کمکاری ءِ ودفنگ نا کوشست آتیا حکومت پاکستان نا کوشست آتے سہی کنڈآ جوان ءُ گام اس گوندانو۔ اوپارے کہ پاکستان نا پوریاگر برادری و صنعت آتون وابستہ حلقہ ملک ءِ مون تروک چیلنج آتیان جوانی اٹ بلد ءِ، زرگزرانی بحالی کن واپاری، کاروباری و صنعتی حلقہ غاک مون آ برسا حکومتی کوشست آتیٹی بایدے بشخ ہلیر ۔ اوپارے کہ پاکستان و چین نا نیام اٹ واپار بیرہ گڑاو خذمت اسکان محدوداف، حکومت اونا دنگ ءِ علم، سائنس ، ٹیکنالوجی ، پٹ وپول ، جدت، سپلائی چین اٹی گچینی اتنگ، کشاری بشخ اٹی کمکاری نا دروشم اٹ ودفنگ خواہک ، دادورہ نا مثبت بھرم زوت مون آ بننگ بناکیک۔
