اسلام آباد۔ 03 جون (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ خراج نظام نا ڈیجیٹلائزیشن آن شفافیت و وصولی تیٹی ودکی مریک۔ اوداہیت ءِ دوشنبے نادے آ داڑے بل اینڈ میلینڈا گیٹس فاؤنڈیشن نا ڈپٹی ڈائریکٹر جیسن لیمب اتون اوڑدہی ٹی گپ وتران کرساپارے۔ داوخت آ وزیرمملکت علی پرویز ملک، ایف بی آر نا ممبر اصلاحات و کارانداز پاکستان نا چیف ایگزیکٹیو آفیسر ئسک ہم ساڑی ئسر۔ بنجائی وزیر بل اینڈ میلینڈاگیٹس فاؤنڈیشن نا کنڈآن ایف بی آر نا برجاڈیجیٹلائزیشن کن میکینزی اینڈ کو ءِ اوار کننگ نا کمکاری نا ستاءِ کرے۔ وزیرخزانہ پاکستان اٹ ای گورننس نا لائخی و کچ آ زور شاغساپارینے کہ خراج نظام نا ڈیجیٹلائزیشن خراج وصولی ءِ پوسکن جوڑ کننگ نا کنڈااسہ اہم ءُ گام اسے ہراڑآن شفافیت و آمدنی ٹی ودکی مریک۔ اوساڑی آ ڈیٹاءِ خراج نا مسخت آتیکن گچین وڑاٹ کاریم اٹ اتنگ کن المی اصلاحات نا ہم ذکر ءِ کرے۔ وزیرمملکت علی پرویز ملک ، ملک اٹی دمدستی ادائیگی نا نظام راست نانفاذ نا چیلنج و اونا فعالیت ءِ گچین کننگ نا وڑوڈول تا جاچ اس پیش کرے۔ دیوان اٹی بشخ ہلوک آک ہدف آتیکن اواری اٹ کاریم ءِ برجاتخنگ نا عزم انا درشانی ءِ کریر۔
