اسلام آباد۔ 03 جون (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ ٹیکنالوجی ٹی زرکاری و ڈیجیٹل گورننس نا کنڈآ پیش رفت نا گرج آ زور شاغسا پارینے کہ حکومت ایف بی آر نا ڈیجیٹلائزیشن نا کمک اٹ محصولات اٹی ودکی ٹی سنبرینگوک ءِ۔ اوداہیت ءِ دوشنبے نادے آ داڑے خراج میکینزی اینڈ کمپنی نا علاقائی سروک ٹام ایشرووڈ و میکینزی نا پارٹنرعلی ملک تون اوڑدہی ٹی گپ وتران کرساپارے۔ اقتصادی امور نا وزیر مملکت علی پرویز ملک ہم داوخت آ ساڑی ئس۔ اوڑدہی ٹی وزیرخزانہ ٹیکنالوجی ٹی زرکاری و ڈیجیٹل گورننس ناکنڈآ پیش رفت نا گرج آ زور شاغا۔ اوایف بی آر نا ڈیجیٹلائزیشن ناذریعہ خراج وصولی ءِ گچین کننگ نا حکومت نا عزم انا درشانی ءِ ہم کرے۔ وزیرخزانہ پارے کہ ایف بی آر نا خراج سسٹمءِ ڈیجیٹائز کننگ اٹ پرال و ریمیٹ نا ڈیٹاءِ کاریم اٹ اتنگ مریک۔ اوڑدہی ٹی ڈیٹاغان فائدہ ہرفسا ڈیش بورڈز انا کمک اٹ ہڑدے ئی نا رپورٹنگ ءِ لاگو کرسا حقی وخت اٹی پیش رفت و چاروکی ناکمک اٹ دمدستی نتیجہ غاتا گمان ناجاچ ءِ ہلنگا۔ وزیرمملکت علی پرویز ملک ڈیٹا نا موثر تخلیق، بست وبند و جاچ انا کمک اٹ برجامشق ءِ گچین کننگ نا بابت امور نا جاچ ءِ پیش کرے۔ میکینزی نا ٹیم وزیرخزانہ و محصولات نا منت واری ءِ ہرفے۔ٹیم باوری کرفے کہ تخوک آ وخت ءُ پاس انا تہہ ٹی رہینگسا مشق انا پوروی ءِ پک کننگک۔
