اسلام آباد۔ 03 جون (اے پی پی) چیئرمین سینیٹ سید یوسف رضاگیلانی پارینے کہ پاکستان اٹ فٹ بال کن ٹیلنٹ و جوزہ نا ہچ ءُ کمتی اس اف، جہانی آب انا گوازی گرودی کننگ کن ننے کسبی کوچنگ نا گرج ءِ۔ دوشنبے نادے آ سینیٹ سیکرٹریٹ نا رداٹ داخیال آتا درشانی ءِ او ورلڈ فٹ بال ڈل و پاکستان فٹ بال لیگ (یوکے) نا اعزازاٹی پارلیمنٹ ہاؤس اٹی بیابخیری دود …
پاکستان اٹ فٹ بال کن ٹیلنٹ و جوزہ نا ہچ ءُ کمتی اس اف، ننے کسبی کوچنگ نا گرج ءِ، سید یوسف رضاگیلانی
اسلام آباد۔ 03 جون (اے پی پی) چیئرمین سینیٹ سید یوسف رضاگیلانی پارینے کہ پاکستان اٹ فٹ بال کن ٹیلنٹ و جوزہ نا ہچ ءُ کمتی اس اف، جہانی آب انا گوازی گرودی کننگ کن ننے کسبی کوچنگ نا گرج ءِ۔ دوشنبے نادے آ سینیٹ سیکرٹریٹ نا رداٹ داخیال آتا درشانی ءِ او ورلڈ فٹ بال ڈل و پاکستان فٹ بال لیگ (یوکے) نا اعزازاٹی پارلیمنٹ ہاؤس اٹی بیابخیری دود آن تران کرساکرے۔ ڈل اٹی فٹ بال نا پنی آ جہانی گوازی گر و چاہندار آتون اوار فرنچائز مالک آک اوار ئسر ہراناکماشی ءِ چیئرمین پاکستان فٹ بال لیگ برطانیہ فرحان احمد جونیجو کریکہ۔ چیئرمین سینیٹ سید یوسف رضاگیلانی پارے کہ غٹ شرفمند آ مہمان تے پارلیمنٹ ہاؤس اٹی بخیر اٹ پاوہ، جہانی فٹ بالرز، چاہندار، منیجر و منتظم آتیا تالان ڈل انا اعزاز اٹی بیابخیری دود انا اڈتننگ کنکن خوشی نا سوب ءِ ، چیئرمین پاکستان فٹ بال لیگ (یوکے) فرحان احمد جونیجو، سی ای او پاکستان فٹ بال لیگ (یوکے) احمرکنور و پی ایف ایل (یوکے) نا ایلو نمائندہ غاتا داڑے ساڑی گری ستاکڑزک۔
