اسلام آباد۔3جون (اے پی پی):پاکستان ءَ چین ءِ سفیر جنانگ زیدونگ ءَ گوشتگ کہ پاکستان ءُ چین ءِ ل سروکی ءُ دوئیں ملک آنی الس آنی گیشاں چہ گیش کمک ءَ چہ مزن وزیر محمد شہباز شریف ءَ آیوکیں چین ءِ تر ءُ تاب کامیاتی آنی سیم سر آں بیت ءُ اے تر ءُ تاب دوئیں ملک آنی یکوئی ءِ بن ھشت سہرا کنت۔ سی پیک ءِ دومی فیز ءِ چیر دستیءَ دوئیں ملک آنی منوگر بوتگیں تپاک نامہ آناں پکو کنت، دوئیں ملک صنعت، کشت ءُکشار، اشکر ءِچات ءَ کار کنوک ، ھاٹیگ ، انفارمیشن ٹیکنالوجی ءُ ایندگر شوبگ آنی تہ ءَ کمک آناں گیش دیمروئی دنت۔ اے ھیالانی درشانی آئیءَ مزن وزیر ءِ 5 روچی چین ءِ تر ءُ تاب ءِ بنگیجءَ چہ پیسر ” اے پی پی” ءَ را گلگدار ءِ اندر ءَ تران کنان ءَ گوشت۔ مزنو زیر شہباز شریف 4 ءَ بگر تاں 8 جون ءَ تاں چین ءِ سرکاری تر ءُ تاب مزن وزیر لی کیانگ ءِ دعوت ءِ پد ءَ کنت، گوزوکیں سال مزن وزیری ءِسیٹ ءَ نندگ ءَ چہ پد اے آئی ءِ چین ءِ اولی سفر بیت۔ چین ءِسفیر ءَ گوشتگ کہ چین اے تر ءُ تاب آنی وسیلگ ءَ پاکستان ءِ گوما کار کنگ ءِ واستہ جزمیگ انت تانکہ دوئیں ملک آنی نیام ءَ جوانیں کمک ءُ شریکداری آنی تہءَ گیش گیشی ءُ نوکیں دور ءُ باریگ ءَ یکجائی آیوکیں باندات ءَ نزیکٰں چین پاکستان یکوئی آنی واستہ نوکیں گامگیج کنگ بہ بیت۔ آئی ءَ تر ءُ تاب ءِ ایجڈا آنی بابت ءَ تران کنان ءَ گوشت کہ مزن وزیر محمد شہباز شریف چین ءِ صدر شی جن پھنگ ، مزن وزیر لی کیانگ ءُ نیشنل پیپلز کارنگریس ءِ سٹینڈاسنگ کمیٹی ءِ چیئرمین ژالیجی ءَ گوں گند ءُ نند ءُ تران کنت۔ دوئیں سروک چین پاکستان یکوئی ءُ وت مہ وتی وانگی کار آنی ھوالگ ءَ سرجمیں ھیال ریچی کن انت۔
ءُ دو نیمگی یکوئی آںی دیمروئی ءِ واستہ یکجائی رنگ ءَ یک کار رپک ءِ تیار کن انت۔ مزن وزیر بیجنگ ءَ ابید گوانگ ڈونگ ءُ شانشی ءِ ھم تر ءُ تاب ءَ کنت۔ آئی ءَ گوشت کہ استیں سال ءِ ساھت ءَ دوئیں ملک آں مزن تکی نزیکیں ھیال ریچی کتگ۔ چین پاکستان اقتصادی راہداری سی پیک ءِ نتیجگ ءَ کمک کتگ ءُ میان اوستمانی دمگی جیڈھ آناں مھکمیں رابطہ ءُ یکوئی آناں برجا داشتگ۔ سی پیک ءِھوالگ ءَ آئی ءَ گوشت کہ تاریخی بی آر آئی منصوبگ ءَ چہ ھواریں رنگ ءَ 25 ارب 40 کروڑ ڈالر ءِ یل شلیں سرمایہ کاری ، 236000 مزدگری، 510 کلومیٹر ہائی ویز، 8 ہزار میگاواٹ ءَ چہ گیش توان ءُ 886 کلومیٹر کوریڈور ٹرانسمیشن نیٹ ورک جوڑ کتگ ایشی ءَ چہ پاکستان ءِ معاوشی ءُ چاگردی دیمروئی مھکم بوتگ۔ آئیءَ گوشت کہ سی پیک ءِ دومی بھر ءِ چیر دستی ءَ دوئیں ملک وتی سروک آنی نیمگ ءَ چہ منوگر کتگیں ارزشتی ایں تپاک نامہ آناں پکوئی رنگ دینت ایشی ءَ چہ دیمروئی ءِ گامگیج ءُ پالیشی کوآرڈینیشن ءِ مھکمی ھوار انت، وھدیکہ ”ایم ایل ون” ءِ اپ گریڈیشن ،گوادر دکہ ءُ قراقرم ہائی وے فیز II ءِ برجائی ءَ ھوار میگاپراجیکٹس ءِ دیمروئی گامگیج آناں گیش ترند کنگ بیت۔
سفیر ءَ گوشت کہ دوئیں ملک آنی ھندی جاور آنی بنیات ءَ صنعت ، کشت ءُ کشار، اشکر ءَ چات ءَ کار کنگ، ھاٹیگ ، انفارمیشن ٹیکنالوجی ءُ ایندگر شوبگ آںی تہ ءَ کمک آناں گیش کن انت ءُ گیش تران ءُ تجارتی لبرلائزیشن ءَ را دیمروئی دینت۔ آئیءَ گوشت کہ چین پاکستان ءِ گوما مزن بالادی بیلٹ اینڈ روڈ کو آپریشن ءَ را گیش دیمروئی دیگ، گلوبل ڈویلپمنٹ انیشیٹو جی ڈی آئی ، گلوبل سیکورٹی اینیشیٹو جی ایس آئی ءُ گلوبل سیولائزیشن اینیشیٹو جی سی آئی ءَ را برجا کنگ ءِ واستہ ھم تیار انت۔ سفیر جیانگ زیدونگ ءَ چین ءِ کمک ءَ چہ پاکستان ءِ ماہ ءِ سر ءَ روگ ءِ مشن ” آءی کیوب کیو” سٹیلائٹ ءِ لانچنگ ءِبابت ءَ گوشت کہ گوزوکیں سال مئی ءِماہ ءَ چین ءُپاکستان ءِ نیام ءَ خلائی کمک ءُ یک شلیں کامیاتی در جنگ بوتگ۔ پاکستان ءِ ” آئی کیوب کیو” ءَ یک ہفتگے پد ماہءِ گولائی ءَ کامیاتی ءِ گوما اکس روان داتگ ایشی ءَ پاکستان ءَ را ” ڈیپ سپیس کلب” ءِ لستیں باسک آنی تہءَیک ءِ جوڑ کتگ۔ آئٰءَ گوشت کہ 30 مئی ءَ پاکستان ءِ کثیر المقاصد کمیونیکیشن سیٹلائٹ” پاک سیٹ ایم ایم ون” ءَ را یک رند ءِ پداس چن ءِ سیٹلائٹ لانچ سینٹر ءَ چہ کامیاتی ءِ گوما لانچ کنگ بوتگ۔
ایش پاکستان ءِ ٹیلی کمیونیکیشن ، انٹؑرنیٹ ءُایندگر شوبگ آنی تہءَ آشوبی مٹ ءُ بدلی کار ایت، آئیءَ گوشت کہ ما کشت ءُکشار، ھاٹیگ ءُ انفارمیشن ٹیکنالوجی وڑٰں گیش شوبگ آنی تہءَ کمک ءُ علم ءِ ٹرانسفر ءَ گیش گیشی کناں۔ چین ءِ سفیر ءَ گوشت کہ 26 مارچ ءَ داسو ناشرکار آنی ارش ءَ چہ پد چین ءُ پاکستان ءُ سی پیک ءِ نیام ءَ پکوئیں کمک ءِ واستہ یک مھکمیں ءُ برجمیں ماحول ءِ گیش ضلورت انت۔ آءی ءَ گوشتگ کہ 2024 ءَ انوگ ءَ تاں پاکستان سیکورٹی فورسز آں ناشرکار ءُ آوانی آسراتی دیوک آنی ھلاپ ءَکساس 13135 انٹیلی جنس آپریشن کتگ، ایشانی تہءَ 249 ناشرکار آناں کشتگ ءُ وھدیکہ 396 ناشرکار آناں دزگیر کتگ۔ آئیءَ پاکستان ءَ گوستگیں سال ءَ چینی کارندہ ، منصوبگ ءُ ادارگ آنیرکھینگ ءِ واستہ پاکستانءِ بے دروریں کوشست آناں ساڑات ءُ گوشت کہ پاکستان ءَ ھم ٹوھیں قربانی داتگ ایشی ءِ اندر ءَدو اپسرگ ءُ 60 سپاہیگ ھم ھوار انت۔ آءیءَ گوشت کہ دوئیں ملک آنی وزیر ءِ درئی کار آں گوشتگکہ پاکستان ءُ چین ءِ کمک ءَ را تاوان پجارینگ ءِاچ رنگیں کوشست کامیات نہ بیت، مارا امیت ءُ دل یکیمی انت کہ پاکستان داسو ناشرکاری ارش ءِ پد ءُرندی ءَ کنت ءُناشرکار آں گوں گر ءُ چیل بوھگ ءِ واستہ کوشست آناں گیش ترند کنت۔ چین ءِ سفیر ءَ گوشت کہ چین پاکستان ءِ گوما یکجائی ءَ گلوبل سیکورٹی انیشیٹیو ءَ را سرجمیں رنگ ءَ برجا کنگ، جوانیں یکوئی ءُ کمک آنی شریکداسری آناں گیش مھکم، ناشرکاری سیکورٹی کمک ءُ مھکم ءُ یکجائی سلامتی ءِ رکھینگ ءِ واستہ کار کنت ۔
سفیر جیانگ زیدونگ ءَ گوشت کہ چین پاکستان ءِ ناشرکار آنی گر ءُ دار ءِ ازم ءَ را ودینگ ، گیر روایتی سیکورٹی بیم آنی گیش بوھوکیں کساس ءَ چہ یکجائی رنگ ءَ گر ءُ چیل بوھگ ءُدوئیں ملک آنی نیام ءَ اقتصادی کمک ءُ یکجائی دیمروی ءِ واستہ لائک ءِ دل یکیمی سیکورٹی زامنی پجاری کنگ ءَ ھم کمک کنت۔ چین ءِ جوڑیشت ءِ 75 سالروچ ءِ تران ءَ کنان ءَ گوشت کہ اے وھد ءُ پاس آنی ساھت ءَ ملک ءَ گیش اقتصادی دیمروئیءُ دراج برئیں وھد ءُ پاسی چاگردی برجائی پیداک بوتگ۔ یک جستے ءِ پسور ءَ ، سفیر ءَ گوشت کہ پاکستانی حکومت ءِ “فائیو ایز” فریم ورک ناں ایوک ءَ پاکستان ءِ استیں دیمروئیءِ ضلورت ءَ را پیلو کنت بلکینگءَ ایش جوانیں کدءُبالادی دیمروئی ءَ را ودینگ ءِ چین ءِ لیکہ ءَ چہ متاثر ھم است انت ایشی ءَ چہ اے اشارگ رسیت کہ دوئیں ملک آنی نیام ءَ دو نیمگی کمک گیش آسری بنت۔
