پشاور۔ 03 جون (اے پی پی) بنجائی وزیر امور کشمیر و گلگت بلتستان ، سیفران وسیمی امور انجینئر امیر مقام تون اونا ہنکین آ پاکستان مسلم لیگ (ن) پی کے 82 پشاور نا ایم پی اے ملک طارق اعوان اوڑدہی کرے۔ پشاور اٹی اوڑدہی ٹی ہڑتوم آ راہشونک پی کے 82 ٹی زوت بے نظیر شہید ہسپتال نا جوڑ کننگ کن گام گیج کننگ آ امنا کریر وخت اس کہ بنجائی وزیر بنجانا کنڈآن ہسپتال نا جوڑ کننگ کن ہرممکن کمکاری نا باوری کرفے۔ داوخت آ پاکستان مسلم لیگ (ن) زالبول ونگ انا صوبائی صدر ایم پی اے ثوبیہ شاہد و ملک زرداد جہانگیر اعوان ئسک ہم ساڑی ئسر۔ ملک طارق اعوان پشاور و پی کے 82 نا چیدہ چیدہ ویل آتیان انجینئر امیر مقام ءِ معلومدار کرے وخت اس کہ پی کے 82 ٹی کنوئی آ ساف دیر اکن واٹر فلٹریشن ، بجلی و سوئی گیس نا ویل آتا دمدستی ایسر و میگا ڈٹ آتا بناغا زور شاغا۔ بنجائی وزیر انجینئر امیر مقام پارے کہ بنجائی حکومت پشاور نا ویل آتیان جوانی اٹ بلد ءِ، ہندا غٹ ویل آتے ایسر کننگک۔
