لاہور۔ 03 جون (اے پی پی) لاہور ہائیکورٹ ملک اٹی برجا غیراعلانیہ لوڈشیڈنگ نا برخلاف دائر درخواست آ بنجائی حکومت تون اوار فریق آتیان ورندی بٹنگا۔ ہائیکورٹ نا جسٹس شاہد کریم اظہر صدیق ایڈووکیٹ نا متفرق درخواست آ سماعت کرے۔ سماعت اٹی مفاد عامہ نا تنظیم جوڈیشل ایکٹوازم پینل نا کنڈآن دائر کروک آ درخواست اٹی موقف اختیار کننگانے کہ ملک اٹی غیراعلانیہ لوڈشیڈنگ مننگ ءِ، شار تیٹی شش آن ہشت گھنٹہ وخت اس کہ خلق اٹی دہ آن دُوانزدہ گھنٹہ لوڈشیڈنگ برجاءِ۔ دائر درخواست اٹی پاننگانے کہ شاری تا کاروبار زہمی مننگ ءِ۔ درخواست اٹی خواست کننگاکہ عدالت ملک اٹی برجاغیر اعلانیہ لوڈشیڈنگ ءِ چٹفنگ نا پرمان کے۔ سماعت اٹی جسٹس شاہد کریم اَرفے کہ پاننگے غیر اعلانیہ لوڈشیڈنگ انت اکن مننگ ءِ ، عدالت بنجائی حکومت تون اوار فریق آتیان ورندی بٹنگا۔
