کوئٹہ۔ 03 جون (اے پی پی) خضدار کسٹم اسہ بھلو کارروائی اسے ٹی 18000 ہزار کلوگرام چھالیہ دوئی کرے۔ ترجمان پاکستان کسٹمز سپرنٹنڈنٹ ڈاکٹر عطاء بڑیچ نا رداٹ خضدار کسٹمز خضدار نا ہند آ اسمگلرآتا برخلاف بھلو کارروائی اس کرسا 18000ہزار کلوگرام چھالیہ دوئی کرے ہرافتا مالیت کم وود 11 کروڑ روپئی جوڑ مریک۔ کسٹم ترجمان نا رداٹ دوئی کروک آچھالیہ غاتے اسمگلنگ نا نیت اٹ خضدار نا اسہ ہندی ہوٹل اسے نا عقب اٹی واقع اسہ مش اسے نا ٹل آ جوڑ اودیم گودام تیٹی تخنگاسس ہرافتے سندھ انا تہہ ٹی اسمگل کننگاکہ۔ چیف کلیکٹر کسٹم بلوچستان یعقوب ماکو نا سخت پارت و کلیکٹر خضدار محمد سلیم میمن نا چاروکی ٹی اودیم حوال آتیا ڈی سی کسٹمز سید طلحہ سلمان کسٹمز و ایف سی قلات سکاؤٹ آ تالان ٹیم اس ترتیب تس ہراگودام آ چھاپہ خلسا 1500 پارسل چھالیہ ءِ دوئی کریر، داوخت آ مش آ ساڑی اسمگلرآک نن نا تہاری آن فائدہ ہرفسا نرنگ اٹ سرسہب مسر۔

متعلقہ مضامینمصنف کی طرف سے مزید