کوئٹہ۔ 03 جون (اے پی پی) پاکستان پیپلزپارٹی ضلع سبی نا سینئر نائب صدر میر ریحان بگٹی پارینے کہ میر چاکر خان رند یونیورسٹی کن پروفیسر ڈاکٹر سید مشتاق احمد شاہ نا تعلیمی و انتظامی خذمت آتے ہچ ءُ حالیت اسے ٹی است آن دننگ مفک، اوادارہ، استاد ، فیکلٹی باسک و طالب علم آتے آسراتی فراوان کرسا تاریخی خذمت سرانجام تسنے، پاکستان پیپلزپارٹی تعلیم دوست شخصیت وادارہ غاتے ہرپلیٹ فارم آ سپورٹ کرسا کیک۔ داخیال آتا درشانی ءِ او تینا اسہ جاری بیان اسےٹی کرے۔ اوپارے کہ بلوچستان نا ہر ضلع ٹی بڑزکو تعلیمی ادارہ جوڑ کرسا ورناچین ءِ آب اٹ تعلیم و تربیت فراوان کننگے، پوسکن آ جامعہ غاتا جوڑ کننگ آن تعلیمی پسماندگی نا چٹفنگ ممکن مرسا ورناتے معاشرتی برائی تیان بچفنگ و پوسکن آ چیلنج آتا مقابلہ ءِ کننگ کچ ءِ ودفنگ مریک۔
