کوئٹہ۔ 03 جون (اے پی پی) ایڈیشنل ڈپٹی کمشنر قلات دوست محمد لانگو ڈسٹرکٹ آفیسر ایجوکیشن نثار احمد نورزئی تون اوار قلات نا چندی گرلز و بوائز اسکول آتا دورہ ءِ کرے، دورہ ٹی استاد و ایلو اسٹاف نا حاضری تے چیک کننگا و اسکول آتیٹی دستیاب آسراتی و ویل آتا خوڑتی اٹ جاچ ءِ ہلک۔ ایڈیشنل ڈپٹی کمشنر قلات طالب علم آتیان اوفتا کورس انا رداٹ سوج ہم کرے۔ ایڈیشنل ڈپٹی کمشنر دوست محمد لانگو پارے کہ طالب علم آک تینا غٹ ترچکار ءِ تینا تعلیم آ تخر تعلیم ہی انسان ءِ جہالت نا تہاری آن کشنگ کیک طالب علم آن جوان ءُ تعلیم اس دوئی کرسا تینا ملک وقوم انا پن ءِ روشناکیر۔ تعلیم نا بشخ اٹی ضلعی انتظامیہ قلات محکمہ تعلیم قلات تون ہرممکن کمک کیک۔
