اسلام آباد ۔ 03 جون (اے پی پی) چیئرمین وزیراعظم یوتھ پروگرام رانا مشہود احمد خان پارینے کہ ملک اٹی کرپشن کروک آتے بایدے ہلنگے، پاکستان زوت تینا نت تیا سلک و آئی ایم ءِ خیرباد پاہک، حکومت نا گچین جوان زرگزرانی حکمت عملی نا نتیجہ مون آ بننگ بناکرینے و کبینی ٹی نمان کمتی مسنے۔ دوشنبے نادے آ تینا بیان اٹی اوپارے کہ ضمیر و نیت ساف مرے تو ملک اکن کاریم کروک آتا کسر ءِ توننگ مفک۔ ملک اٹی کرپشن کروک آتے بایدے ہلنگے۔ اوپارے کہ آئی ایم ایف آن پیسہ ہلسا بجٹ جوڑ کننگ ننا بیوسی ءِ، 2016 ٹی ہم آئی ایم ایف پروگرام آن پیش تماسن داسہ ہم زوت پاکستان تینا نت تیاسلک و آئی ایم ایف ءِ خیرباد پاہک، پاکستان شونہالی نا سفیر نا زوت بناءِ کیک۔ اوپارے کہ نیب کرپشن کروک آتیٹی دوشاغے ولے سیاسی جماعت اسے نا برخلاف کارروائی آن پاناد کے۔ رانا مشہود احمد خان پارے کہ مئی 2024اٹی 47 سال آن پد اولیکو وار کنوئی آ گڑاتا نہاد آتیٹی غٹ آن زیات کمتی ریکارڈ کننگانے، کنزیومر پرائس انڈکس 29 تُو انا کم انگا کچ آ سرمسنے۔ اوپارے کہ ادارہ شماریات نا رپورٹ اٹی نمان کمتی نا حساب وکتا ب ءِ ہُننگ مریک، کنوئی آ گڑاتا نہاد آتیٹی کمتی آن الس نا ویل آک کم مریرہ، وزیراعظم محمد شہباز شریف نا کماشی ٹی السی ویل آتے ایسر کننگ کن کوشست کننگ اُن۔
