اے این ایف نا منشیات اسمگلنگ نا برخلاف آپریشن، منشیات دوئی، 9 دوبہ دار دزگیر

راولپنڈی۔ 31 مئی (اے پی پی) اینٹی نارکوٹکس فورس منشیات اسمگلنگ نا برخلاف 5 کارروائی تیٹی 331 کلوگرام منشیات دوئی کرسا 9 دوبہ دار آتے دزگیرکرے۔ اے این ایف ترجمان نا کنڈآن تدوک  آبیست ءُ چار گھنٹہ غاتیٹی کروک آ انسداد منشیات کارروائی تا سرجم آتیان معلومدار کرسا پاننگانے کہ اسلام آباد بالی پٹ آ بحرین آ ہنوک آ مسافر آن 1.9 کلوگرام آئس دوئی کننگا۔ جامشورو ٹول پلازہ حیدرآباد نا خڑک 5 دوبہ دار آتیان 282 کلوگرام چرس دوئی کننگا۔ جیوانی گوادر نا خڑک آن 30 کلوگرام چرس دوئی کننگا۔ کلمہ چوک چنیوٹ اٹی دوبہ دار آن 12 کلوگرام چرس دوئی کننگا۔ ایم ون اسلام آباد نا خڑک 2 دوبہ دارآتیان 6 کلوگرام ہیرون دوئی کننگا۔ ترجمان پارے کہ دزگیر دوبہ دار آتا برخلاف انسداد منشیات نا رداٹ مقدمہ نوشتہ کرسا جاست وپاست نا بناءِ کننگانے۔