راولپنڈی۔ 31 مئی (اے پی پی) جمہوریہ کوریا نا سفیر پارک کی جون پارینے کہ پاکستان و جمہوریہ کوریانا نیام اٹ متکن آ سنگتی ءِ و کوریاپاکستان نا شونداری خاص کر کشت وکشار و تعلیم نا بشخ اٹی ہرممکن کمک کیک اوداخیال آتا درشانی ءِ جمعہ نادے آ پیر مہر علی شاہ بارانی زرعی یونیورسٹی راولپنڈی نا دورہ غا کرے داوخت آ بارانی زرعی یونیورسٹی ، کورین سوسائٹی آف ایگریکلچرل …
کورین سفیر نا دورہ ءِ بارانی زرعی یونیورسٹی، مفاہمتی یات داشت آ دستخط
راولپنڈی۔ 31 مئی (اے پی پی) جمہوریہ کوریا نا سفیر پارک کی جون پارینے کہ پاکستان و جمہوریہ کوریانا نیام اٹ متکن آ سنگتی ءِ و کوریاپاکستان نا شونداری خاص کر کشت وکشار و تعلیم نا بشخ اٹی ہرممکن کمک کیک اوداخیال آتا درشانی ءِ جمعہ نادے آ پیر مہر علی شاہ بارانی زرعی یونیورسٹی راولپنڈی نا دورہ غا کرے داوخت آ بارانی زرعی یونیورسٹی ، کورین سوسائٹی آف ایگریکلچرل انجینئرنگ و پاکستان سوسائٹی آف ایگریکلچرل انجینئرنگ نا نیام اٹ علمی و پٹ وپولی سرجزآتیٹی کمکاری آ اسہ مفاہمتی یات داشت اسے آہم دستخط کننگا مفاہمت یات داشت نا رداٹ غٹ فریق آتا نیام اٹ راجی شونداری و پٹ وپول نا بابت تین پہ تینی علمی است خواہی نا بشخ آتیٹی کمکاری آ امنا کننگا و ہڑتوم آ ملک آتا نیام اٹ سائنسی و تکنیکی شریداری ءِ سوگو کننگ ءِ، پروفیسر ڈاکٹر محمد نعیم وائس چانسلر بارانی زرعی یونیورسٹی، کورین سوسائٹی آف ایگریکلچرل انجینئرنگ صدر سیونگ جن مینگ و پاکستان سوسائٹی آف ایگریکلچرل انجینئرنگ نا صدر انجینئر منصور رضوی تینا تعلقدار ادارہ غاتا کنڈآن مفاہمتی یات داشت آ دستخط کرے ۔ داکان مست پروفیسر ڈاکٹر محمد نعیم وائس چانسلر بارانی زرعی یونیورسٹی سفیر و کویکا نا ڈل ءِ بخیرکرے و بارانی زرعی یونیورسٹی نا ڈاکٹر محمد اعظم یونیورسٹی نا تعلیمی، پٹ وپولی و توسیعی پروگرام و آخبت نا ڈٹ آتا بارواٹی سرجمی اٹ حوال تس بارانی زرعی یونیورسٹی ٹی ’’کوریاو پاکستان نا نیام اٹ چاگڑدی دیر انا بست وبند کن پوسکن آ ٹیکنالوجی تا گدریفنگ‘‘ نا سرحال آ اسہ جہانی سیمینار اس ہم اڈ ہلک سیمینار نا بست وبند ءِ یونیورسٹی نا آفس آف ریسرچ انوویشن اینڈکمرشلائزیشن، فیکلٹی آف ایگریکلچرل انجینئرنگ اسیجائی وڑاٹ کریسر۔
