جنرل سید عاصم منیر تون آذربائیجان نا وزیرخارجہ نا اوڑدہی، تین پہ تینی است خواہی نا امور آ گپ وتران

راولپنڈی ۔ 31 مئی (اے پی پی) پاک فوج انا سروک جنرل سید عاصم منیر تون آذربائیجان نا وزیرخارجہ جیہون بیراموف اوڑدہی کرینے۔ اوڑدہی ٹی علاقائی امن و سوگوی تون اوار تین پہ تینی است خواہی نا امور آ گپ وتران کننگا۔ آئی ایس پی آر نا رداٹ آذربائیجان نا وزیرخارجہ جیہون بیراموف جی ایچ کیو راولپنڈی نا دورہ  ءِ کرے ہراڑے او آرمی چیف تون اوڑدہی کرے۔ آرمی چیف آذربائیجان نا سلہہ بند فوج انا کسبی مہارت و بہادری نا ستا ءِ کرے۔ وزیرخارجہ جیہون بیراموف آذربائیجان کن پاکستان نا پدریسہ مخ تفی نا ستاءِ کرے و علاقائی سوگوی ءِ برقرار تخنگ اٹ پاکستان نا اہم کڑد ءِ ہم امنا کرے۔