وزیراعظم شہباز شریف تون گورنر خیبرپختونخوافیصل کریم کنڈی نا اوڑدہی، صوبہ نا امور، ملکی سیاسی حالیت آتیا گپ وتران

اسلام آباد۔ 30 مئی (اے پی پی) وزیراعظم محمد شہباز شریف تون گورنر خیبرپختونخوا فیصل کریم کنڈی اوڑدہی کرے و صوبہ خیبر پختونخوانا امور و ملکی سیاسی حالیت آتیا گپ وتران کرے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ گورنر خیبرپختونخوا حکومت نا کاروبار و زرکار دوست پالیسی تا سوب آن ملک اٹی ودوک آ پیشن نا زرکاری آ وزیراعظم ءِ خراج تحسین پیش کرے۔ اوڑدہی ٹی خیبرپختونخوانا ویل و اوفتا پائیدار ایسری نا بابت ہم گپ وتران مس۔ اوڑدہی ٹی بنجائی وزیر اقتصادی امور احد خان چیمہ و وزیراعظم نا سلاہکار سیاسی امور رانا ثناء اللہ ئسک ہم ساڑی ئسر۔