لندن۔ 30 مئی (اے پی پی) بنجائی وزیر داخلہ و چیئرمین پاکستان کرکٹ بورڈ محسن نقوی پارینے کہ قومی ٹیم انا گوازی گرآتیا پت ءِ و یقینا جوان ءُ پرفارم اس کیرہ، ہرپاکستانی ءِ دا اوفتے دا پاروئی ءِ کہ کٹنگ و باتننگ آن ایڑتر او تینا ٹیم اتون تفوک ءُ، دا اپروچ اتون گوازی گرآک یقینا امریکہ غان ورلڈ کپ ءِ کٹسا وطن آ پدی بریرہ۔ او پاکستان ہاؤس …
قومی ٹیم انا گوازی گرآتیا پت ءِ، بنجائی وزیر داخلہ و چیئرمین پی سی بی محسن نقوی نا لندن اٹی دود آن تران
لندن۔ 30 مئی (اے پی پی) بنجائی وزیر داخلہ و چیئرمین پاکستان کرکٹ بورڈ محسن نقوی پارینے کہ قومی ٹیم انا گوازی گرآتیا پت ءِ و یقینا جوان ءُ پرفارم اس کیرہ، ہرپاکستانی ءِ دا اوفتے دا پاروئی ءِ کہ کٹنگ و باتننگ آن ایڑتر او تینا ٹیم اتون تفوک ءُ، دا اپروچ اتون گوازی گرآک یقینا امریکہ غان ورلڈ کپ ءِ کٹسا وطن آ پدی بریرہ۔ او پاکستان ہاؤس اٹی برطانیہ ٹی پاکستانی ہائی کمشنر ڈاکٹر محمد فیصل نا کنڈآن قومی کرکٹ ٹیم انا اعزاز اٹی اڈ ہلوک دود آن تران کریکہ۔ میئرلندن صادق خان، پاکستان اٹ برطانیہ نا ہائی کمشنر جین میریٹ، مسکوہی نگران وزیراعظم پاکستان انوارالحق کاکڑ، وزیراعلیٰ بلوچستان میر سرفراز بگٹی و برطانیہ ٹی رہینگوک پاکستانی تا بھلو کچ اس دود اٹی بشخ ہلکر۔ بنجائی وزیر داخلہ محسن نقوی دود انا مہمان خاص ئس۔ وزیرداخلہ پارے کہ قومی کرکٹ ٹیم ءِ داوخت آ قوم انا سپورٹ نا گرج ءِ۔ تینا گوازی گرآتیا بھروسہ تخر، او جوان ءُ گوازی اس کیرہ و اومیت کبو کہ او ورلڈ کپ ءِ کٹرہ۔ میئرلندن صادق خان و برطانیہ ٹی پاکستانی ہائی کمشنر ہم دود آن تران کرے۔ بنجائی وزیر داخلہ محسن نقوی دود اٹی بشخ ہلنگ آ میئرلندن صادق خان و برطانوی ہائی کمشنر جین میریٹ نا منت واری ءِ ہرفے۔دود اٹی بشخ ہلوک آک گوازی گرآتیان آٹوگراف ہلکر و عکس و سیلفی کشیفیر۔
