پاکستان نا ساڑی حالیت آتے 1971نا دے ٹکی پاکستان نا حالیت کون گوندنگ و داتاثر ودی کننگ کہ ملک خوانخواستہ اسہ پین سقوط ڈھاکہ سے نا کنڈآ ہِننگ ءِ، بے کچ است ہسونی نا سوب ءِ، سینیٹر عرفان صدیقی

اسلام آباد۔ 30 مئی (اے پی پی) مسلم لیگ (ن) نا راہشون و سینیٹ اٹی پارلیمانی لیڈر سینیٹر عرفان صدیقی پارینے کہ پاکستان نا ساڑی حالیت آتے 1971 نا دے ٹکی پاکستان نا حالیت کون آ گوندنگ و داتاثر ودی کننگ کہ ملک خوانخواستہ اسہ پین سقوطِ ڈھاکہ نا کنڈآ ہِننگ ءِ بھاز است ہسونی نا سوب ءِ، ہرادے گوجالنگ مفک۔ پنچ شنبے نادے آ داڑے جاری بیان اٹی اوپارے کہ دا ٹویٹ بانی پی ٹی آئی نا مصدقہ، آفیشل ایکس اکاؤنٹ آن جاری کننگانے۔ دا بیرہ ٹویٹ اس اف بلکن بھاز خواری اٹ نوشتہ کروک سکرپٹ نا رداٹ جوڑ کروک گونڈ ءُ عکسی فلم اسے ہرانا لوز لوز آن فوج دشمنی ٹپکنگ ءِ۔ دا فلم اکن رزاک اٹ داوڑنا دروغ سچا عکس آتے گچین کننگانے ہرا بنگلہ دیشی و بھارتی میڈیا پاک فوج ءِ بدنام کننگ کن کاریم اٹ اتسا کیرہ۔ دادستاویزی فلم آن فوج انا بارواٹی ہمو بغض انا درشانی مریک ، ہرافوج انا گڑاس کڑد آتے میر جعفر و میر صادق گوندنگ تون مسکہ۔ داسہ گڑاس مخلوق دا عکسی ٹویٹ نا بارواٹی خورک و بودی دلیل آتے تننگ ءِ، ولے اودے داہم پاننگے کہ ہمودے اڈیالہ زندان نا پیشن، دوٹی اسہ کاغد اس ہرفوک، عارف علوی تون اوار پارٹی نا سیکرٹری جنرل عمر ایوب نا پریس ٹاک ءِ ہمہ اودیم کننگے؟ ہرا منہ وخت مست بانی پی ٹی آئی تون ملسا بسوسس و ہرا ہوبہوہموہیت آتے کرے ہرافتے خان صاحب نا عکسی ٹویٹ اٹی کننگاسس۔ عرفان صدیقی پارے کہ نی تینے شیخ مجیب الرحمان آنبار پنی گوندنگ، اونا سفائی پیش کننگ، غٹ تر دوبہ غاتے فوج انا زی آ خلسا یحییٰ خان ءِ دوبہ دار گوندفنگ و اسہ پوسکن ءُ سقوطِ ڈھاکہ سے نا دھول خلنگ شاید اسہ پین 9 مئی اسے کن فضاءِ تیار کننگ ءِ۔