اسلام آباد۔ 30 مئی (اے پی پی) نائب وزیراعظم ووزیرخارجہ محمد اسحاق ڈار پاکستان نا دورہ غا بروک آ آذربائیجان نا وزیرخارجہ جیہون بیراموف نا پنچ شنبے آ داڑے دفترخارجہغا بننگ آ اودے بخیرکرے۔ وزیرخارجہ محمد اسحاق ڈار و آذربائیجان نا وزیر خارجہ نا نیام اٹ سرجمی اٹ اوڑدہی مریک۔ ہڑتوم آ راہشون ڈل انا کہول آ ہم گپ وتران و پاکستان و آذربائیجان نا نیام اٹ چندی بشخ آتیٹی کمکاری نا بارواٹی گپ وتران کیرہ۔ وزیرخارجہ اسحاق ڈار و آذربائیجان نا وزیرخارجہ جیہون بیراموف اسیجائی نیوز کانفرنس ہم کیرہ۔ آذربائیجان نا وزیرخارجہ جیہون بیراموف اِرادے ئی سرکاری دورہ غا چارشنبے نادے آ اسلام آباد آ سرمسوسس۔ وزیرخارجہ جیہون بیراموف وزیراعظم محمد شہباز شریف تون ہم اوڑدہی کیک۔

متعلقہ مضامینمصنف کی طرف سے مزید