دوشنبے۔ 30 مئی (اے پی پی) بنجائی وزیر مواصلات ، زرکاری و نجکاری عبدالعلیم خان پارینے کہ کاروباری سرجز و واپار کن پاکستان سینٹرل ایشیانا بھلا منڈی جوڑ مننگ کیک، نیامی ایشیانا بزنس مین تیکن پاکستان نا درگہ مدام ملوک ءِ۔ وزارت مواصلات نا کنڈآن پنچ شنبے نادے آ جاری بیان نا رداٹ داخیال آتا درشانی ءِ او دوشنبے ٹی تاجکستان نا اہم کاروباری شخصیت آتون اوڑدہی تیٹی گپ وتران …
بنجائی وزیر مواصلات، زرکاری و نجکاری عبدالعلیم خان نا تاجک کاروباری شخصیت آتون اوڑدہی ٹی گپ وتران
دوشنبے۔ 30 مئی (اے پی پی) بنجائی وزیر مواصلات ، زرکاری و نجکاری عبدالعلیم خان پارینے کہ کاروباری سرجز و واپار کن پاکستان سینٹرل ایشیانا بھلا منڈی جوڑ مننگ کیک، نیامی ایشیانا بزنس مین تیکن پاکستان نا درگہ مدام ملوک ءِ۔ وزارت مواصلات نا کنڈآن پنچ شنبے نادے آ جاری بیان نا رداٹ داخیال آتا درشانی ءِ او دوشنبے ٹی تاجکستان نا اہم کاروباری شخصیت آتون اوڑدہی تیٹی گپ وتران کرساکرے۔ اوڑدہی ٹی ٹیکسٹائل، فارماسیوٹیکل، کنسٹرکشن، آئی ٹی، بینک و ایئرلائنز آتون وابستہ 10 بھلا بزنس گروپ آک بشخ ہلکر۔ زرکارآک پاک۔تاجکستان بارڈر نا خڑک امپورٹ/ایکسپورٹ کن گڈز ٹرمینل نا تعمیرات اٹی است خواہی نا درشانی ءِ کریرہراڑآ بنجائی وزیر عبدالعلیم خان پاکستان تون بزنس ٹو بزنس سرجزآتیکن ہرممکن کمکاری و سرپرستی نا باوری کرفے۔ بنجائی وزیر پارے کہ کاروباری سرجزو واپار کن پاکستان سینٹرل ایشیانا بھلا منڈی جوڑ مننگ کیک۔ اوپارے کہ سینٹرل ایشیانا بزنس مین تیکن پاکستان نا درگہ مدام ملوک ءِ ، بنجائی وزیر زرکاری بورڈ پارے کہ آخبت خڑک اٹ پاکستان نا پرائیویٹ سیکٹر ایلوملک آتون واپار کن مون آ بریرہ۔ درملکی زرکارآتے پاکستان اٹ اکنامک فری زون و ایلوآسراتی تے ایتنہ۔
