اسلام آباد۔ 30 مئی (اے پی پی) سفری خذمت آتا برآمد اٹی برجامالی سال انا اولیکو 10 تُو اٹی سالانہ بنداو آ 28 درسد کمتی ریکارڈ کننگا۔ سٹیٹ بینک انا حساب وکتاب نارداٹ برجامالی سال انا اولیکو 10 تُو اٹی سفری خذمت آتا برآمد نا کچ 633 ملین ڈالر ریکارڈ کننگا ہرا تدو ک آ مالی سال انا ہندا مد انا مقابلہ ٹی 28 درسد کم ءُ، تدوک آ مالی سال انا ہندا مد اٹی سفری خذمت آتا برآمد نا کچ 875 ارب روپئی ریکارڈ کننگاسس۔ اپریل اٹی سفری خذمت آتا برآمد آن ملک ءِ 68 ملین ڈالر زرمبادلہ دوئی مس ہرا تدوک آ اپریل نا مقابلہ ٹی 55 درسد زیات ءُ، تدوک آ سال اپریل اٹی سفری خذمت آتا برآمد نا کچ 44 ملین ڈالر ریکارڈ کننگاسس۔ مارچ انا مقابلہ ٹی اپریل اٹی سفری خذمت آتا برآمد اٹی ماہانہ بنداو تیا 13 درسد ودکی مس، مارچ اٹی سفری خذمت آتا برآمد آتا کچ 60 ملین ڈالر ئس ہرا اپریل اٹی ودسا 68 ملین ڈالرمسر۔ یات سلے کہ برجامالی سال انا اولیکو 10 تُواٹی خذمت آتا جم برآمد نا کچ 6.442 ارب ڈالر ریکارڈ کننگانے ہرا تدوک آمالی سال انا ہندا مد انا 6.367 ارب ڈالرآن اسہ درسد زیات ءُ۔
