نرسنگ نا بشخ اٹی پوسکن اصلاحات اتنگ اُن، خواجہ سلمان رفیق

لاہور۔ 30 مئی (اے پی پی) صوبائی وزیر جان جوڑی خواجہ سلمان رفیق ہندی ہوٹل اٹی ورلڈ نرسز ڈے انا رداٹ اڈ ہلوک دود اٹی بطور مہمان خاص بشخ ہلک۔ داوخت آ ڈی جی نرسنگ پنجاب ومچ آ صوبہ غان نرس آتا بھلو کچ اس بشخ ہلکر۔ صوبائی وزیر  جان جوڑی خواجہ سلمان رفیق پارے کہ اینونادے نرس آتا خذمت آتے خراج تحسین پیش کننگ نا ءِ، نرسنگ نا بشخ نظام جان جوڑی ٹی تمبہ نا حیثیت تخک، دا نرس آک ءُ ہرا ہسپتال آتیٹی داخل مریض آتے بے لوث خذمت ءِ کیرہ۔ صوبائی وزیر جان جوڑی پارے کہ نرسنگ نا بشخ اٹی پوسکن آ اصلاحات اتنگ اُن، غٹ نرسنگ کالج آتا ری ویمپنگ بھاز ستاکڑزک، نرسنگ بشخ انا گچینی کن کوشست کننگ اُن۔ خواجہ سلمان رفیق پارے کہ جان جوڑی کارڈ ءِ انشاء اللہ گچین دروشم اٹ لانچ کینہ۔ جان جوڑی کارڈ انا حد ءِ دہ لکھ روپئی آن ودفنگ اُن۔ ننا نرس آک پاکستان تون اوار مچ آ دنیا ٹی ملک انا پن ءِ روشنا کننگ ءُ۔ ننے نرسنگ بشخ انا گچینی کن تینا کڑد ءِ ادا کروئی ءِ۔ صوبائی وزیر جان جوڑی خواجہ سلمان رفیق پارے کہ سرگودھاٹی است ہسون واقعہ نا تینٹ ایف آئی آر کرفینٹ۔