کوئٹہ، مسکوہی وزیراعلیٰ بلوچستان نواب ثناءاللہ خان زہری نا واشک ٹریفک شکست اٹی نہادی انسانی جون تا زیان آ ڈکھیائی نا درشان

کوئٹہ۔ 29 مئی (اے پی پی) پیپلزپارٹی نا مرکزی سینئر راہشون و مسکوہی وزیراعلیٰ بلوچستان چیف آف جھالاوان نواب ثناء اللہ خان زہری واشک اٹی مسافر کوچ ءِ پیش بروک آ است ہسون  شکست اٹی انسانی جون تا زیان آ ڈکھیائی و است ہسونی نا درشانی ءِ کرینے۔ تینا جاری بیان اٹی نواب ثناء اللہ خان زہری شکست اٹی شہید مروک آ بندغ آتا خاہوت آتون ہڑزخواہی و ہمدردی نا درشانی و شہید آتا درجہ غاتا بڑزی کن دعاکرے۔ نواب ثناء اللہ خان زہری کمامدارآتے ٹریفک شکست اٹی ٹھپی تے ہرممکن طبی امداد فراوان کننگ نا پارت ہم کرے۔