نوابزادہ جمال خان رئیسانی نا واشک بس شکست اٹی نہادی جون تا زیان آ است ہسونی نا درشان

اسلام آباد۔ 29 مئی (اے پی پی) پاکستان پیپلزپارٹی بلوچستان نا راہشون، ایم این اے نوابزادہ جمال خان رئیسانی واشک نا خڑک تربت آن کوئٹہ غا ہنوک آ بس انا تمنگ اٹی نہادی انسانی جون تا زیان آ ڈکھیائی و است ہسونی نا درشانی ءِ کرینے۔ اسہ بیان اسے ٹی نوابزادہ جمال خان رئیسانی پارے کہ دا است ہسون ءُ واقعہ اسے، نن زہمی خاہوت آتون ہڑزخواہی نا درشانی ءِ کینہ۔ او سانحہ نا جاست وپاست و زموار آتا برخلاف کارروائی نا خواست کرے۔ نوابزادہ جمال خان رئیسانی ٹھپی تا زوت دراخ جوڑی کن ہم دعاکرے۔