راولپنڈی۔ 29 مئی (اے پی پی) اینٹی نارکوٹکس فورس منشیات اسمگلنگ نا برخلاف کریک ڈاؤن اٹی 8 کارروائی تیٹی 178 کلوگرام منشیات دوئی کرسا 3 دوبہ دار آتے دزگیرکرے۔ اے این ایف ہیڈکوارٹرراولپنڈی آن تدوک آ24 گھنٹہ ٹی کروک آ انسداد منشیات کارروائی تا سرجم آتیٹی پاننگانے کہ جہلم اٹی کوریئر آفس آن آسٹریلیا غا مون تروک آ پارسل آن 11 کلوگرام آئس دوئی کننگا۔ کراچی ٹی کوریئر آفس آن دبئی آ مون تروک آ پارسل آن 3.4 کلوگرام آئس دوئی کننگا۔ ملتان بالی پٹ آ دوحہ غا ہنوک آ مسافر آن 950 گرام آئس دوئی کننگا۔ آرسی ڈی روڈ لسبیلہ نا خڑک آن 94 کلوگرام چرس دوئی کننگا۔ ایم ون اسلام آباد نا خڑک دوبہ دار آن 48 کلوگرام چرس دوئی کننگا۔ پنجگور آن 15 کلوگرام چرس دوئی کننگا۔ ڈیرہ اسماعیل خان اٹی دوبہ دار آن 4 کلوگرام چرس دوئی کننگا۔ لاہور اٹی پارسل آن 2 کلوگرام آئس دوئی کننگا۔ ترجمان پارے کہ دزگیر دوبہ دار آتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
