اسلام آباد۔ 29 مئی (اے پی پی) اسپیکر قومی اسمبلی سردار ایاز صادق واشک نا ہند آ پیش بروک آ بس شکست آ است ہسونی نا درشانی ءِ کرسا پارینے کہ نیاڑی وچناتتون اوار 27 آن زیات بندغ آتا مرک انا خبرآ بھاز ڈکھیائی مسٹ۔ چارشنبے نادے آ تینا ہڑزخواہی بیان اٹی اوزہمی خاہوت آتون ہڑزخواہی نا درشانی ءِ کرے و پارے کہ بس شکست اٹی زوال کروک آ بند غ آتا خاہوت آتا غم اٹی بریبرنا شریک اُٹ۔ اسپیکر قومی اسمبلی تعلقدار کمامدارآتے ٹھپی تے دمدستی طبی آسراتی فراوان کننگ نا پارت کرے و ٹھپی تا زوت دراخ جوڑی کن دعاکرے۔ اسپیکر اللہ تعالیٰ آن ایماندارتا درجہ غاتا بڑزی و پدسلوک آ خاہوت آتے دابے بدل نسخان ءِ سگنگ کن صبر وجمیل عطاکننگ نا دعاکرے۔ ڈپٹی اسپیکر قومی اسمبلی سید میر غلام مصطفیٰ شاہ ہم شکست آ است ہسونی و ہڑزخواہی نا درشانی ءِ کرے و ٹھپی تا زوت دراخ جوڑی کن دعاکرے۔
