اسلام آباد۔ 29 مئی (اے پی پی) چینی سفارت خانہ نا میڈیا ونگ نا سروک وانگ شی پارینے کہ چین و پاکستان نا پنچ سی و فائیو ای فریم ورک ءِ یکجا کننگ و سی پیک نا ارٹ میکو ریسہ کن سلاہ تیا سجفنگ ناگرج ءِ۔ داخیال آتا درشانی ءِ او دوشنبے نادے آ ایس ڈی پی آئی نا کنڈآن ’’سی پیک نا ارٹ میکو ریسہ کن اصلاحات نا ایجنڈا: وارخواہی و مون آہِننگ نا کسر‘‘ نا سرحال آ سیمینار آن تران کرساکرے۔ اوپارے کہ داسی پیک نا سٹریٹجک ریسہ ءِ، متحد وژن نا سرکڑدہ سی پی ای سی نا شونداری کن اہم ءِ، چین و پاکستان نا پنچ سی و فائیو ای فریم ورک ءِ یکجا کننگ نا گرج ءِ۔ وانگ شی پارے کہ نن چینی چاہندار آتا کمک اٹ پاکستان اٹ ایس ای زیڈ تیار کننگ نا ڈٹ اس ہم جوڑ کننگ اُن،ایم ایل ون کون آ پائلٹ پراجیکٹ بے کچ چکار نا خواہندار ءِ۔ ایگزیکٹیو ڈائریکٹر پاک چائنا انسٹی ٹیوٹ مصطفیٰ حیدر پارے کہ پاکستان ءِ سی پی ای سی نا رداٹ سفرنا جاچ ءِ ہلنگ نا گرج ءِ۔ بھاز انگا ملک آک بی آر آئی نا بشخندار مننگ خوارہ، پاکستان ءِ بی آرآئی ٹی سی پیک نا رداٹ تینا مسابقت آ سجفنگ نا گرج ءِ۔ مصطفیٰ حیدر پارے کہ پاکستان اٹ قابل تجدید توانائی ٹی ہچ ءُ بھلو زرکاری ا س متنے، ننے چینی تیکن فول پروف سیکورٹی ءِ عملی دروشم اس تننگ و مون آ دننگ کن اسہ پیدوار فریم ورک اس و اسیجائی ورکنگ گروپ اس تیار کننگ نا گرج ءِ۔
