وزیراعظم نا واشک ٹریفک شکست اٹی نہادی انسانی جون تا زیان آ ڈکھیائی نا درشان

لاہور۔ 29 مئی (اے پی پی) وزیراعظم محمد شہباز شریف بلوچستان نا ضلع واشک اٹی است ہسون ٹریفک شکست اٹی نہادی انسانی جون تا زیان آ ڈکھیائی نا درشانی ءِ کرینے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شکست اٹی زوال کروک آ بندغ آتا درجہ غاتا بڑزی کن دعا و اوفتا خاہوت تون ہڑزخواہی نا درشانی ءِ کرینے۔ وزیراعظم شکست اٹی ٹھپی مروک آتا زوت دراخ جوڑی کن دعاکرے۔ وزیراعظم ٹھپی تے ہرممکن طبی امداد فراوان کننگ نا پارت کرے۔ وزیراعظم پارے کہ دا مشکل ساہت اٹی پدسلوک خاہوت آتون سلوک اُن و اوفتے تون ہمدردی نا درشانی ءِ کینہ۔