کوئٹہ۔ 27 مئی (اے پی پی) ڈپٹی کمشنر سبی جہانزیب شیخ پارینےکہ باسنی آن بچنگ نا گام گیج آتون اوار اوار ہیٹ ویو و ہیٹ سٹروک آن بچنگ نا تدابیر و الس اٹ شعور و آگاہی تالان کننگ کن ہم گام گیج المی ءِ۔ داخیال آتا درشانی ءِ او شار اٹی جوڑ چندی کولنگ اسٹیشن تا معائنہ ٹی گپ وتران کرسا کرے داوخت آ بی ایس ڈی ایس پی ناپروجیکٹ منیجر رزاق بلوچ و ایلو آفیسر آک ہم ساڑی ئسر۔ اوبی ایس ڈی ایس پی نا پروجیکٹ منیجر رزاق بلوچ ءِ پارت کرسا پارے کہ ہیٹ ویو کنٹیجنسی پلان اٹی اوار ایلو وڑنا گام گیج ہم کننگے ، یات سلے کہ کولنگ پوائنٹ ہراکہ برائٹ سٹار ڈیولپمنٹ سوسائٹی بلوچستان نا کنڈآن سبی شار اٹی چندی ہند آتیا خلنگانے دارداٹ تدوک آ دے ڈپٹی کمشنر سبی نا کماشی ٹی ہیٹ ویو، ہیٹ سٹروک نا بابت اڈ ہلوک دیوان اٹی داطے مسوسس کہ اولیکو ریسہ ٹی عارضی بنداوتیا پنچ کولنگ اسٹیشن جوڑ کننگک ہراٹی الس کن یخ ءُ دیر فراوان کننگک ہرادے پورو کننگانے و الس دا آسراتی آن فائدہ ہرفنگ ءِ۔
