شاری تا جان و مال انا رکھ اکن اسلام آباد سیف سٹی اتھارٹی، درملکی تیکن اسپیشل پروٹیکشن یونٹ جوڑ کننگ اُن، وزیرداخلہ نا دود آن تران

اسلام آباد۔ 27 مئی (اےپی پی) بنجائی وزیر داخلہ محسن نقوی پارینے کہ شاری تا جان ومال انا رکھ اکن اسلام آباد سیف سٹی اتھارٹی و درملکی شاری تیکن اسپیشل پروٹیکشن یونٹ (ایس پی یو) اس جوڑ کننگ انگ ءِ ، اسلام آباد پولیس نا رویہ غاتیٹی مثبت بدلی خوانہ۔ او چک بیلی نا خڑک پولیس شہید آتا خاہوت آتیکن ’’مبین کاٹیج‘‘ نا بنداو ءِ تخنگ نا دود آن تران کریکہ۔ انسپکٹر جنرل پولیس  اسلام آباد سید علی ناصر رضوی، چیئرمین سی ڈی اے محمد علی رندھاوا، ایم ڈی پولیس فاؤنڈیشن صابراحمد، ایس ایس پی ٹریفک محمد سرفراز ورک اتون اوار ایلو کمامدارآک دا وخت آ ساڑی ئسر۔ آئی جی اسلام آباد محمد سید علی ناصر رضوی خطبہ استقبالیہ پیش کرسا پارے کہ اسلام آباد پولیس نا 64 شہید پولیس آفیسر و ورناتا خاہوت ءِ چلی بیلی نا دا ہند آ نئے بیرہ پلانٹ فراوان کننگ انگ ءِ بلکن اوفتے اُرا ہم تیار کرسا ایتنہ۔ اوپارے کہ ہمو لمہ غاتے سلام پیش کینہ ہرا داوڑنابہادر مارتے سنبھالار ہرافک سلہہ، بارود و دہشت گرد آتا مون آسینہ تان کر گولی تے وفانا مہر تکسا بیرفیر۔ وزیرداخلہ اسلام آباد پولیس نا 64 شہید پولیس آفیسر و ورناتا خاہوت ناستاءِ کرسا پارے کہ حکومت نا اولیت شہید آتا خاہوت نا خیال ءِ تخنگ ءِ۔ داڑکن بیرہ تقریر آتا آخا عملی گام گیج نا گرج ءِ۔